Ózbekstan respublikasí joqarí HÁm orta arnawl

Jobanı dúziw ushın qoyılatuǵın talaplar:
1. Oqıwshılardıń dene tayarlıǵı sport sarayı hám maydanshalardıń barlıǵı úskeneler mawsim, hawa rayı esapqa alınıwı tiyis.
2. Oqıw wazıypası, oqıw materiallarınıń ótiw waqtı, shınıǵıwlardıń túrleri, onıń izbe-izligi anıq kórsetiliwi tiyis.
3. Baǵdarlamada berilgen shınıǵıwlardı bir-biri menen baylanıstırıp (klasslar boyınsha) belgili nátiyjege erisiw aldın-ala uzaqqa jobalastırılıwı tiyis.
Tiykarǵı oqıw jobalarına tómendegi hújjetler kiredi:
a) Bir jılǵa dúzilgen oqıw jobası.
b) Hár oqıw sherekke dúzilgen joba.
v) Hár sabaq ushın dúzilgen is jobası.
Bir oqıw jılına dúziletuǵın joba: Bul jobalastırıwdıń ulıwma hújjeti baǵdarlamada berilgen oqıw materiallarınıń mazmunı, sherek hám sabaq boyınsha izbe-izligi esapqa alınıp bólistiriledi, oqıw sapasın anıqlaw ushın tekseriw tapsırma ólshemleri hár sherek ushın belgilenedi. Úyreniletuǵın shınıǵılardıń qaytalanıw muǵdarı oqıwshılarǵa hár tárepleme tásir etiw jaǵdayın esapqa alıp anıqlanadı. Jobalastırıwdıń qolaylı túri - bul joba grafik bolıp esaplanadı. Bunda baǵdarlamada berilgen oqıw materialları, oqıw wazıypaları shınıǵıw túrleri, onıń qaytalanıwı hár jıl máwsimlerine sáykeslestirilip hár sabaqqa hám sherekke bólistiriledi.
Bir sherekke dúziletuǵın oqıw jobası: bunda bir jıllıq joba-grafikke tiykarlanıp oqıw jumısı bir sherek ushın islenedi. Shereklik jobada oqıw tárbiya jumısınıń wazıypası, onı sheshiw usılları (quralları) belgilenedi.
Bir shereklik sabaqtıń jobası: Shereklik jobaǵa tiykarlanıp sabaqtıń mazmunı, wazıypası oqıtıwshı tárepinen belgilenedi. Sabaqtıń hár bóliminiń baǵdarı, wazıypası járdemshi shınıǵıwlar kórsetiledi.
Tematikalıq joba: - bul wazıypa boyınsha, onı sheshiw quralların, metodların anıqlap dúziledi. Oqıw wazıypasınıń izbe-izligi temaǵa sáykeslenip, kelesi temalarǵa baylanıslı shınıǵıwlardı úyreniwge baǵdarlanǵan bolıwı tiyis. Tematikalıq joba bir saatlıq is jobadan ózgeshe boladı. Sebebi: Tema bir neshe sabaq dawamında úyreniwdi talap etedi.
Bir saatlıq is reje (konspekt):-bul jobalastırıwdıń sońǵı hújjeti, shereklik jobaǵa tiykarlanıp dúziledi. Bunda háreket kónligiwi boyınsha sabaqtıń tiykarǵı wazıypası anıqlanadı. Sonday-aq háreket sapası, tárbiyalıq biliwdi qáliplestiriw wazıypaları kórsetiledi. Sabaqtıń wazıypasın belgilew aldın-ala oqıwshılardıń ulıwma rawajlanıw dárejesin biliw talap etiledi.
Wazıypaǵa sáykes sabaqtıń hár bóliminiń wazıypası anıqlanadı, sonday-aq tayarlıq hám járdemshi shınıǵıwlar belgilenedi. Sabaqtıń wazıypası baylanıslı oqıw tárbiya usılı, shólkemlestiriw tártibi tańlap alınadı. Shınıǵıwdı úyreniw sapasın, jeke tapsırmalardı hám úy tapsırmalardı tekseriw tártibi kórsetiliwi tiyis.
Bir saatalıq is reje, sabaqtıń tolıq mazmunın qamtıp qısqasha jazılıwı tiyis. Sabaqtıń wazıypası tómendegishe izbe-izligi saqlap jazılǵanı maqul. Háreket uqıbın qáliplestiriw boyınsha bilim beriw wazıypası hám kónligiw, den-sawlıǵın bekkemlew, tárbiyalıq, úyretiw boyınsha bilim beriw (konspekttiń úlgisi beriledi). Bir saatlıq is jobanıń birinshi grafasına sabaqtın bólimleri hám onıń dawam etiw waqtı.
Ekinshi grafada shınıǵıwlar izbe-izligi saqlanıp jazıladı (dáslep sapqa turıw, sabaqtıń wazıypası hám teoriyalıq maǵlıwmatlar xabarlanadı).
Úshinshi grafada orınlanatuǵın shınıǵıwlardıń, háreketlerdiń qaytalanıw sanı, dawam etiw waqtı, kólemi t.b. kórsetiledi.
Tórtinshi grafaǵa shınıǵıwlardı úyretiw waqtında paydalanılatuǵın usıllar. sabaqtı alıp barıw metodları, oqıwshılardıń iskerligin shólkemletiriw usılları, snaryadlardıń retlesiwi, oqıwshılardıń úlgeriwin tekseriw jolları, bir saatlıq is jobanıń aqırında úy tapsırmanıń mazmunı kórsetiledi.