Ўзига бўлган ҳурмат ҳиссини шакллантириш

“Ғижимланган газеталар”
Мақсад: Муваффақиятга эришишда мақсадни қўя билиш ҳақида тушунча ҳосил қилиш

Биринчи иштирокчига (ўзига унчалик ишончи пастроқ ) кўрсатма берилади:

­­Сизнинг вазифангиз – мана бу газеталардан бирма-бир олиб, узоқда турган саватга отасиз. Вақт – 1дақиқа.
Бир дадиқадан кейин иштирокчи тўхтатилади. Саватдаги ғижимланган газеталар саналади.
Кейин иккинчи иштирокчига кўрсатма берилади:
“Сизнинг вазифангиз бу иштирокчига қараганда иложи борича кўпроқ газета ғижимлаб отиб туширишдан иборат”
Иккинчи иштирокчи одатда кўпроқ газетани ғижимлаб ташлашга улгуради.
Учинчи иштирокчига кўрсатма:
“Сиз бу иккала иштирокчи қанча ташлаб улгурганини кўрдингиз. Нима деб ўйлайсиз – қандай натижаларга эриша оласиз?”
Одатда учинчи иштирокчи иккинчисидан ҳам яхшироқ натижага эришади.
Хулоса: учинчи иштирокчи ўз олдига мақсадни ўзи қўйди ва мақсадга эришди.
Кўпинча бизни ҳеч қандай қоидалар ва деталларни тушунтиришларсиз бирор бир вазифани бажаришимизни сўрашади ва бизга мақсадни мустақил белгилашга йўл қўйиб берилса, жуда катта ютуқларга эришишимиз мумкин.
“Гулчамбар” машғулоти
Мақсад: Ўзига ишонч ҳиссини шакллантириш.
Ўтказиш тартиби: ҳар бир иштирокчига А-4 форматли қоғоз тарқатилади.

1. 
   Сиз яхши кўриб бажарадиган икки нарсани тасвирланг.
   
2. 
   Ҳаётингиздаги энг катта ютуқни тасвирланг.
   
3. 
   Ўзингиз ҳақингизда эшитмоқчи бўлган учта сўз.
   
4. 
   Сизга ижобий тасир кўрсатган учта инсон.
   
5. 
   Қалбингиз маза қилиб дам оладиган жойни тасвирланг.
   
6. 
   Кейинги беш йилда ўзингизни қандай тасаввур этасиз?
   

Ҳар бир саволга жавобни гулнинг ҳар бир баргига ёзиш керак.

4. “ТЎСИҚЛАРНИ ЕНГИБ ЎТИШ”.

Машғулотнинг мақсади: тўсиқларни енгиб ўтиш кўникмаларини
шакллантириш.
Вазифалар:

• 
  иродани шакллантириш;
  
• 
  қийин вазиятларда шахсий ресурсларни, имкониятларни ривожлантириш;
  
• 
  қийин вазиятларда ўз-ўзини бошқариш кўникмаларини эгаллаш.