Zohid oxirgisi so'ngi

Boshqa  joylardagi  yog’  to’qimasi.  Bu  qorin  pardasining  burmalarida 

to’planadigan yog’dir, shuning uchun ham u qorin pardasining tagidagi yog’ deb 

ataladi.  Molning  buyraklarini  o’rab  turadigan  ikkita  yog’  xaltachasi  ham  shu 

xildagi  yog’  jumlasiga  kiradi.  Buyrak  oldi  yog’i  deb  ataladigan  bu  yog’ 

biriktiruvchi  to’qimalarining  yumshoq  yoki  mo’rt  bo’lishi  bilan  farq  qiladi. 

Qorin osti yog’ining boshqa turlariga ichaktutqich  yog’i bilan charvi  yog’i ham 

kiradi,  bular  hazm  yo’lining  ichak  va  qatqorin  sohasidagi  qorin  pardasining 

burmalarida  joylashgan  bo’ladi  va  go’sht  nimtasidan  alohida  hisoblanadi. 

So’yilgan mol nimtalanganda, ichaktutqich yog’i va charvi yog’i alohida ajratib 

olinadi. Bichilgan buqalarning teri osti yog’ining davomi bo’lgan tashqi qatlami, 

qorin yog’iga aylanib  ketadigan o’rta qatlam va qorin osti yog’idan iborat ichki 

qatlamdan tashkil topgan.  

Hayvonlar  semirgan  sari  yog’  to’qimasidagi  yog’ning  miqdori  ko’payib 

boradi. Go’shtning sifati va to’yimliligi yuqorida aytilgan to’qimalarning nisbati 

va  kimyoviy  tarkibiga  ko’p  jihatdan  bog’liq.  Mollarning  tanasidagi  umumiy 

yog’ning  miqdori  quyidagicha  bo’lib,  ular  zotiga,  yoshiga,  jinsiga,  semizligiga 

bog’liq bo’lgan holda: qoramollarda 1,5 dan 10 % gacha, qo’ylarda 0,6 dan 7,5 

gacha, cho’chqalarda 12,5 dan 40 gacha bo’ladi. 

Bundan tashqari so’yilgan hayvonlarning ichki yog’i qoramollarda 0,5-6,4 

%,  qo’ylarda  0,2-5,4  va  cho’chqalarda  1,9-6,8  %.  Shu  narsani  e’tiborda  tutish 

kerakki, ya’ni birga so’yilgan  hayvonlarning  yog’i bir-biridan o’zining  rangiga, 

hidiga, ta’miga va erish haroratiga qarab farq qiladi. Bu shu narsani anglatadiki, 

ya’ni hayvonlarning yog’i bir-biridan o’zining tarkibiy qismiga qarab farqlanadi.