«zooinjeneriya» fakulteti

Gelmintolyarvoskopiya usılı – haywanlardıń tezegin tekserip onda parazitlerdiń lichinkaların tawıp, diagnozın tastıyıqlaw.
Berman-Orlov usulı – Berman usulı topıraq nematopodalarinıń lichinkalarin tabıw ushın usınıs etiletuǵın edi, kiyin bolsa Orlov usulında diktiokaulyoz, prostrongilyoz keselliklerinde kesellik qozǵatıwshılarınıń lichinkaların tabıw ushın usınıs etildi.
Berman-Orlov usulı tómendegishe ámelge asırıladı: Ústingi tárepine 10-15 sm keletuǵın voronka alınıp, tómengi ushına 10-15 sm uzınlıǵında shlanga ótkizilip, usı Mar qısqıshı menen qısıladı. Voronkanıń ishine sımlı tor yaki marli qoyılıp 10-15 gramlı tezekti 30-40 S temperaturadaǵı jıllı suw menen toltırılǵan ıdıs ishine túsiriledi. Keyin Mar qısqıshı azraq bosastırıladı, centrifuga probirkalarına aǵıp atırǵan suyıqlıqtı jıynap alıp, 2-3 minut dawamında centrifuga qoyamız. Sońınan suyıq bólimin alıp taslanıp, qoyıw qısımın ıdıs aynashasına yaki shashki Petriga salıp, mikroskopta tekseremiz. Bunda háreketsheń lichinkalar barlıǵın kóremiz.Suwda tezekti qansha uzaq múddet saqlasaq, lichinkalar muǵdarı sonsha kóbiyedi, biraq qoylardıń tezegin 6 saattan kóp, qaramal tezegin 11 saattan kóp saqlamaw kerek. Sebebi bul waqıt ishinde basqa strongilyat lichinkalardıń da máyeklerni shıǵıwı múmkin.
Vayda usılı – Sharik sıyaqlı tezeklerdi tekseriw ushın qollanıladı. Bul usıldı islew metodikası: 4-5 jańa ajratılǵan tezek sharikshelerin shashki Petriga hám saat aynasına salıp ústine azraq jıllı suw quyamız. 40 minut ótkennen kiyin tezekti alıp, suyıqlıq mikroskop astında tekseriledi. Usıldıń nátiyjeliligi tómen, sonıń ushın tek ǵana diktiokaulyozlardı aniqlawda qollanıladı. Prostrongilyatozlardı anıqlawda isletilmiydi. Ápiwayılastırılǵan larvoskopiya usılı. 5-10 gr jańa ajratılǵan tezekti marliǵa orap, 30-50 ml formada stakanǵa salamız. Ústine 37-40S jıllı suw quyamız. Qoy, eshki tezekleri oralǵan marlini 6 saattan keyin, qaramal tezegi oralǵan marlini 12 saattan keyin stakanshadan kóterip alamız. Qalǵan suyıqlıqtı 10-15 minut dawamında tınısh jerge qoyamız, keyin bolsa suyıqlıqtı tógip taslap, qoyıw bólimin ıdıs aynasına (7x10 sm formada) qoyıp mikroskopta tekseremiz.