1. Davlat qarzi tushunchasi va mohiyati

Davlat qarzi o`sishining makroiqtisodiy oqibatlari

Mundarija
Kirish……………………………………………………………………….………3

1. Davlat qarzi tushunchasi va mohiyati …………………………………………...5

2. Davlat qarzi turlari..…………………...………………………………………..11
3. O`zbekiston Respublikasi davlat qarzi holati tahlili…………...……………….17
4. Davlat qarzining makroiqtisodiy oqibatlari……….……………………………28
Xulosa……………………………………………………………………………..32
Foydalanilgan adabiyotlar ro`yxati ……………………………………………….32

Kirish
Mavzuning dolzarbligi: Keyingi yillarda iqtisodiyotni liberallashtirish, tadbirkorlik rivojiga to‘siq bo‘layotgan muammolarni bartaraf etish, jamiyatda ochiqlik, oshkoralik muhitini kuchaytirish borasida amalga oshirilayotgan demokratik islohotlar tufayli yurtimizda investitsiya faolligi oshib bormoqda. Chetdan kirib kelayotgan mablag‘ esa iqtisodiyotning jadal rivojlanayotgan sohalariga, jamiyatdagi ijtimoiy-iqtisodiy muammolarni hal etishga yo‘naltirilayotgani xalqimiz turmushi farovonligini oshirish va yurt taraqqiyotini yuksaltirishga zamin yaratmoqda.
Rivojlanayotgan mamlakatlarda davlat sektorining ijtimoiy – iqtisodiy taraqqiyotni ta’minlashdagi roli katta ahamiyatga ega. Uning samarali faoliyatini amalga oshirish uchun davlat qarzi holatini taxlil qilish va uni bartaraf etish zarur hisoblanadi.
Davlatlarning tashqi qarzi atrofida doimo bahs yuritiladi, turlicha fikrlar uchraydi. Gap shu haqda ketganida, avvalo, aytish mumkinki, tashqi qarzni qaysidir ma’noda davlatga bo‘lgan “ishonch krediti”, deb ham tushunsa bo‘ladi. Zero, qarz yoki investitsiya hamma davlatga ham berilavermasligi kundek ravshan.
O‘zbekistonning tashqi qarzi va uning tarkibi bo‘yicha rasmiy ma’lumotlar e’lon qilingach, ijtimoiy tarmoqlarda, internet sahifalarida ayrim fuqarolar tomonidan vaziyatni to‘g‘ri baholamasdan turib, tanqidiy fikrlar bildirila boshlandi. Aslida bu ham ijobiy holat. Chunki yangilanayotgan O‘zbekistonda har qanday sohada ochiqlik, shaffoflik alohida mezon sifatida belgilangan. Lekin davlat va xalq manfaatlari bilan bog‘liq masalalarda munosabat bildirish yoki xabar tarqatishdan oldin masalani atroflicha tahlil qilib, keyin fikr aytilsa to‘g‘ri bo‘ladi.