1. Pedagogikalıq texnika haqqında maǵliwmat. Pedagogikalıq texnikanıń qásiyetleri

9-Tema. Pedagogikaliq texnika haqqinda tusinik. Pedagogikaliq texnikani qáliplestiriw usillari
Reje
1.Pedagogikalıq texnika haqqında maǵliwmat.
2. Pedagogikalıq texnikanıń qásiyetleri.
3. Pedagogikalıq texnikani iyelew sheberligi.
1.Pedagogikalıq texnika haqqında maǵliwmat. Pedagogikaliq texnika – oqitiwshiniń tálim-tárbiya procesinde, pútkil kásiplik iskerliginde zárúr bolǵan uliwma pedagogikaliq bilim hám tájiriybeleri jiyindisi. Pedagogikaliq texnikaniń zárúr tárepleri bul, oqitiwshiniń sheberligin belgilewshi kásiplik kónlikpeler esaplanadi, yaǵniy oniń sawatli hám aniq sóyley aliwi, óz pikirlerin hám bilimin túsinikli tilde tásirsheń bayan ete aliwi, sezim-tuyǵilarin basqara aliwi, óziniń jeke ózgesheliklerine tán mimika hám pantamimika qábiletlerine iye boliwi, aniq imo-ishora, mánili qaraslardi xoshametlewshi yáki misqillap kúliw, sózdiń sheksiz qúdireti arqali oqiwshilar sanasina hám oylawina tásir ótkeriwi, psixologiyaliq bilimlerge iye boliwi siyaqlilar kiredi.
Oqitiwshiniń pedagogikaliq texnikasi qanday kónlikpe hám tájiriybelerden ibarat ekenligi, pedagogikaliq texnika quralinda oqitiwshi tálim mekemelerinde tálim-tárbiyaliq iskerligin zamangóy talaplar tiykarinda qanday shólkemlestiriwi, oqiwshilarǵa tárbiyaliq tásir kórsetiwde qanday áhmiyetke iye ekenligi siyaqli mashqalalr házirgi kúnge shekem dúnya alimlariniń diqqatin ózine qaratip kelmekte.
Házirgi kúnde pedagogika texnika túsinigi eki toparǵa bólip úyreniledi. Birinshi topar komponentleri oqitiwshiniń jeke ádep-ikramliliq paziyletleri hám minezi menen baylanisli bolip, tálim-tábiyaliq procesinde óz-ózin basqariw tájiriybelerinde belgili boladi:

• 
  Tálim-tárbiya procesinde óz is-háreketlerin basqariwi;
  
• 
  Tálim-tárbiya procesinde óz sezimin hám keypiyatin basqara aliwi hám túrli túsiniksiz tásirlerge berilmew;
  
• 
  Jetilisken socialliq perseptiv qábiletlerge (diqqat, gúzetiwsheńlik, qiyal);
  
• 
  Sóylew texnikasin (dem aliw, dawisti basqariw, sóylew tempi) biliwi hám óz orninda qollay aliwi;
  

Pedagogikaliq texnikaniń ekinshi topar komponentleri oqitiwshiniń shaxs hám jámáátine tásir kórsetiw tájiriybeler menen baylanisli bolip, bul topar tálim-tárbiya procesiniń texnologiyaliq tárepin qamtip aladi:
- oqitiwshiniń didaktikaliq, shólkemlestiriwshilik, konstruktiv, kommunikativ qábiletleri;
- málim bir reje tiykarinda óz aldina qoyilǵan talaplardiń orinlaniwin qadaǵalawi;
- bilimlendiriw mekemelerinde hám oqiwshilar jámáátindegi tálim-tárbiya menen baylanisli bolǵan unamli iskerligin shólkemlestire aliwi;
- oqiwshilar menen pedagogikaliq sawbetlesiw procesin bir turaqliliqta saqlap basqara aliwi.
Házirgi zaman oqitiwshisi pedagogikaliq sheberlik sistemasinda pedagogikaliq texnikaniń róli ahmiyetke iye. Sebebi ol oqitiwshisina óz denesin tuta ali, sezim-tuyǵilarin basqara aliw, qábiletler, sóylew texnikasin iyelewi hám olardi oqiw iskerliginde, oqiwdan tisqari tálim hám tárbiyaliq iskerlikler procesinde qollaw jollarin túsindiredi.
Demek pedagogikaliq texnika oqitiwshi kásiplik iskerliginde sonday kásbiy hám jeke tájiriybeler jiyindisi, ol oqitiwshiniń pedagogikaliq iskerligine tásir kórsetiwi, tálim-tárbiya procesin shólkemlestiriw hám basqariw islerinde tiykarǵi jol kórsetiwshi bolip xizmet etedi.
Pedagogikaliq texnikaliq sirlarin iyelew jollari oqitiwshi basshiliǵinda alip bariltuǵin shiniǵiwlar hám ǵarezsiz pedagogikaliq iskerlik procesinde qáliplesip baradi. Pedagogikaliq texnika sirlarin jetik iyelewde hám oni jetilistiriwde kásiplik tárepten oqitiwshi óz-ózin hardayim qáliplestirip bariwi, yaǵniy óz aldina qoyilǵan talaplar kóz-qarasinan sheber oqiwshi jeke paziyletlerin hám kásiplik tájiriybelerine qáliplestiriwge qaratilǵan iskerligi zárúr ról oynaydi.