4-amaliy mashg’ulot. Mahsulotlarini qadoqlashda ishlatiladigan idishning turlari. Mashg‘ulotning maqsadi

4-amaliy mashg’ulot. Mahsulotlarini qadoqlashda ishlatiladigan idishning turlari.
Mashg‘ulotning maqsadi: mahsulotlarini qadoqlashda qo‘llaniladigan idishlarning turlari, qadoqlanadigan mahsulotlar turi va hajmiga qarab turlanishini va bu idishlar tayyorlanadigan materiallar bilan tanishtirish.
Birinchi guruh idishlarga - asosan yangi uzulgan mahsulotlarini tashish, qisqa va uzoq muddat saqlash uchun qo‘llaniladigan idishlar: Bu turdagi idishlarga turli xil hajmdagi yog‘och yashik va konteynerlar, polietelin materiallardan tayyorlangan yashik va konteynerlar, qog‘oz materiallardan tayyorlangan idishlar, ip gazlamalardan tayyorlangan qoplar, shesternalar va konteynerlar ularda mahsulotlar ochiq holda saqlanadi ular mahsulotning turi va miqdoriga qarab tanlanadi.



5-rasm. Meva-uzum va sabzavotlarni qadoqlash uchun turli hajmdagi plastmas yashiklar
Ikkinchi guruh idishlarga - tayyor va yarim tyyor konserva mahsulotlarini saqlash uchun qo‘llaniladigan idishlar. Ikkinchi tur idishlarga asosan shisha, metal, ichki qismiga maxsus qoplamali materiallar bilan ishlov berilgan qog‘oz idishlar, polietelin materiallaridan tayyorlangan bochkalarni kiritish mumkin.



6-rasm. Meva va sabzavotlardan tayyorlanadigan mahsulotlarni shisha idishlarga qadoqlash

Yog‘och materiallar keng ishlatiladi, ulardan sig‘imi va konstruksiyasi bo‘yicha farqlanuvchi turli yashiklar ishlab chiqariladi. Bu yashiklar qaysi mahsulot uchun mo‘ljallanganligi va sig‘imiga ko‘ra raqamlanadi:

1-jadval
Yog‘och yashiklarning raqamlanishi

Yashik raqami	Sig‘imi, kg	O’lchami, mm			Xajmi, l	Mo‘ljallagan mahsulot
		uzunligi	eni	balandligi
1	15	475	285	126	17,1	Uzum, ko‘katlar, pomidor, danakli mevalar
2	25	570	380	152	32,9	Olma, nok, xurmo, sitrus mevalar
3	35	570	380	266	57,6	Olma, bodring, baqlajon, piyoz, qovun
4	35	570	380	380	82,3	Karam
5	15	570	380	84	18,0	Uzum, ko‘katlar, pomidor, danakli mevalar
6	10	475	285	56	7,4	Danakli va rezavor mevalar

Qishloq xo‘jaligi mahsulotlarini saqlashda foydalaniladigan idishlarni tayyorlashda foydalaniladigan materiallar quyidagi turlarga bo‘linadi:

1. 
   Qog‘oz-karton materiallari;
   
2. 
   Yog‘och materiallari;
   
3. 
   Tabiiy va sintetik tola materiallari
   
4. 
   Keramika materiallari;
   
5. 
   Metal materiallari;
   
6. 
   Shisha materiallari;
   
7. 
   Polietelin materiallari;
   
8. 
   O’simlik qoldig‘i materiallari;