Amaliy mashg’ulot №18 Mavzu: Shilimshiqlar bo’limi, Xitridiomitsetlar, sinflari

Amaliy mashg’ulot № 18
Mavzu: Shilimshiqlar bo’limi, Xitridiomitsetlar, sinflari
2-soat
Zarur jihozlar: Plazmodiofora bilan zararlangan karam ko’chati yoki gerbariysi; fitoftora bilan zararlangan kartoshka tugunagi va barglaridan tayyorlangan gerbariylar; mikroskop, pipetka va preparat ignasi; buyum oynasi va qoplagich oyna; filtr qog’oz.
Topshiriq:
1. Plazmodiofora va“Ildiz qorayishi” kasalligi bilan zararlangan karam ko’chati yoki gerbariysi, rasm yoki jadvallardan foydalangan holda kasallangan karamning umumiy ko’rinishini kuzating va karamning kasallangan hamda sog’ ildizini solishtirib, chizib oling.
2. Olpidiumning tuzilishi va ko’payishini o’rganish.
3. Zararlangan karam ko’chatining ichki tuzilishi bilan tanishib, chizib olish.
1. Shilimshiqlar (Myxomycota) bo’limi vakillari xlorofillsiz bo’lib, tuzilishi va hayot tarzi jihatdan xilma-xil organizmlardir. Ular orasida tuproqda, go’ngda o’simlik qoldiqlarida erkin harakat qiluvchi turlari, bulardan tashqari suvo’tlarda, suvda yashovchi zamburug’ va yuksak o’simliklarda parazitlik qiluvchi vakillari ham bor.
Ayrim turlari mikroskopik o’lchamda bir yoki ko’p yadroli amyobasimon shaklda bo’lsa, ba’zi turlari bir necha santimetrga yetib, vegetativ tanasi yirik ko’p yadroli bo’lib, sitoplazmasidan plazmodiyalar shakllanadi. Shilimshiqlar orasida parazitlik qilib yashaydigan turlari ham bor. Plazmodioforsimonlar – Plasmodiophoromicetes sinfiga mansub plazmodiofora – Plasmodiophora brassicae karamdoshlar oilasiga mansub o’simliklarda parazitlik qilib, ayniqsa karam ildizini beso’naqay holga keltiradi.
Ishning bajarilishi
2. Karam plazmodioforasi bilan zararlangan karam yoki bryukva tashqi tomonidan kuzating. Unda ildizning asosi qalinlashganini, barglari sarg’ayishini, ozroq egilganini va cho’zilganini ko’rish mumkin. O’tkir pichoq yoki ustara yordamida zararlangan ildizdan bir nechta kesmalar tayyorlanadi. Undan tashqari plazmodioforalarni doimiy preparatda ham kuzatish mumkin. Ildiz parenximasidan tayyorlangan preparat mikroskop