Антенналарнинг хоссалари ва параметрлари Антенна параметрлари

АНТЕННАЛАРНИНГ ХОССАЛАРИ ВА ПАРАМЕТРЛАРи

1. 
   Антенна параметрлари
   

Радиотўлқинлар тарқалиши қонунларининг катъий ифодаланган частотавий боғлиқлиги тўлқинлар диапазонларини чегаралашни талаб қилади. Бу чегараланган диапазонларда радиотўлқинларнинг тарқалиш шароитлари тахминан бир ҳил. 1.1-жадвалда диапазонларнинг частотавий чегаралари ва уларнинг номлари келтирилган.

1.1-жадвал

Диапазонларнинг частотавий чегаралари ва уларнинг номлари

Частота	Тўлқин узунлиги	Диапазон	Тўлқинларнинг бўлиниши
3 кГц…30 кГц	100км…10км	ЎУТ (СДВ)	Мириаметрли
30 кГц…300 кГц	10 км…1 км	УТ (ДВ)	Километрли
300 кГц…3000 кГц	1 км…100 м	ЎТ (СВ)	Гектометрли
3 МГц…30 МГц	100 м…10 м	ҚТ (КВ)	Декаметрли
30 МГц…300 МГц	10 м…1 м	УҚТ (УКВ)	Метрли
300 МГц...3000 МГц	1 м…10 см	УҚТ (УКВ)	Дециметрли
3 ГГц…30 ГГц	10 см…1 см	УҚТ (УКВ)	Сантиметрли
30 ГГц…300 ГГц	1 см…1 мм	УҚТ (УКВ)	Миллиметрли
300 ГГц ...3000 ГГц	1 мм…0,1 мм	УҚТ (УКВ)	Децимиллиметрли

Антенна деб, радиотўлқинларни нурлатиш ёки қабул қилиш учун мўлжалланланган қурилмага айтилади. Антенналар қайтарувчанлик хусусиятига эга бўлиб, ҳам қабул қилувчи, ҳам узатувчи сифатида ишлаши мумкин. Улар бажарадиган вазифасига кўра қабул қилувчи, узатувчи, қабул қилиб-узатувчи турларга бўлинади.
Узатувчи антенна фойдали сигнал билан модуляцияланган юқори частотали тебранишнинг эркин тарқалувчи электромагнит тўлқинга айлантиради.
Қабул қилувчи антенна электромагнит тўлқинларни қабул қилади ва юқори частотали тебранишларга айлантиради.
Белгиланган йўналишда узатувчи антенна ҳосил қилган майдон кучланганлиги антеннанинг йўналганлик характеристикаси ва нурланувчи қувватнинг (P_Σ) катталиги билан аниқланади. Учта параметр майдон кучланганлиги антеннанинг йўналганлик хусусиятига боғлиқ эканлигини кўрсатади ва турли хилдага антенналарни ўзаро солиштириш имконини беради.
Улар қуйидагилардан иборат: антеннанинг фойдали иш коэффициенти (ФИК), ɳ - ҳарфи билан белгиланади; йўналтирилган таъсир коэффициенти (ЙТК) D - ҳарфи билан белгиланади; антеннанинг кучайтириш коэффициенти (КК) G - ҳарфи билан белгиланади. Келтирилган параметрларнинг барчаси ўзаро жуда содда боғлиқликда.