Burg’ulash inshootlarini montaj qilish va ko’chirish

Burg’ulash inshootlarini montaj qilish va ko’chirish.
Poydevorni montaj qilish va transportda tashish. Burg’ilash qurilmalari odatda poydevorlarga (asosga) o’rnatilgan jihoz bilan transportda tashiladi. Kichik masofalarga tashish, yo’l sharoitlari qulay bo’lsa, yirik bloklar bilan, ba’zan machtani ko’tarib amalga oshiriladi. Harakat traktorlar yoki shatakchi yordamida maxsus traktorli aravalarda amalga oshiriladi.
Odatiy yo’l sharoitlarida inshootlar, poydevorlar va jihozlar alohida og’ir yuk tashuvchi mashinalarda yoki gusenitsali aravalarda alohida bloklar qilib tashiladi, burg’ilash qurilmasini yig’ish bo’lg’usi quduq og’zida tayyorlab qo’yilgan maydonda amalga oshiriladi.
Agar poydevorlar jihozsiz tashilsa, avval mezana bloki o’rnatiladi, bunda rotor teshigining vertikal o’qi quduqning o’qiga to’g’ri kelishi kerak. Keyin lebedka va kuch blokining asoslari o’rnatiladi, undan keyin ularga barcha zarur bo’lgan jihozlar va mezana montaj qilinadi. Avtoshatakchilarga yoki traktorlarga o’rnatilgan montaj strelasi va lebedkasi yordamida montaj qilinadi.
Mezanalarni montaj qilish va transportda tashish. Mezanalarni montaj va demontaj qilish usullari ko’pincha ularning konstruksiyasi bilan belgilanadi. Seksiyali machtali mezanalar yaxlit payvandlangan uzellarga (seksiyalarga) ajratiladi. Ular gorizontal holda chorpoyalarda yig’iladi.
Bloklar ajratgichlarining soni kamligi ishlarning kam sermashaqqatligini belgilaydi, takelaj ishlarini mexanizatsiyalash vositalarini qo’llash esa yig’ish jarayoni yuqori samarali bo’lishiga yordam beradi. Boshqa teng sharoitlarda machtali mezanani montaj qilish vaqti minorali mezanani montaj qilish vaqtidan ancha kamroq.
Machtali mezanalarni qismlarga ajratmasdan ishchi va gorizontal holatlarda, shuningdek alohida seksiyalar ko’rinishida avtotransportda tashish mumkin.
Minorali turdagi mezanalar alohida qismlarga (sterjenlarga) ajratiladi. Yig’ishning eng keng tarqalgan usuli – mezanali ko’targich yordamida “yuqoridan pastga” montaj qilish usuli. Uning mohiyati mezananing montaji yuqori seksiyalardan boshlanishidadir. Dastlab chorpoyalar va kronblokosti balkalar montaj qilinadi, keyin ularga mezanali ko’targich ichida yig’iladigan yuqori seksiyaga qo’shiladi. U moslama yordamida keyingi seksiya balandligiga ko’tariladi. Mezananing keyingi seksiyasi montaj qilinadi va oldin ko’tarilganga ulanadi; ikkita yig’ilgan seksiya ko’tariladi va polda keyingi seksiya montaj qilinadi va shu tarzda eng pastki seksiyagacha.
Ko’targichning chiziqli o’lchamlari seksiyalar o’lchamlariga bog’liq. Strelalar yordamida minorali turda mezanalarni qurish yoki gorizontal holda yig’ib, ishchi holatga ko’tarish qo’llanilmaydi, chunki qurilishni mexanizatsiyalash qiyinlashadi va ishlarni yuqori balandlikda olib borishga to’g’ri keladi. Shuning uchun minorali turdagi mezanalarni qo’llash yangi joyga qismlarga ajratmasdan vertikal holatda transportda tashish sharti bilan maqsadga muvofiq bo’ladi. Istisno chuqur burg’ilash bo’lishi mumkin, bunda burg’ilash joyini qurish muddati muhim ahamiyatga ega emas.


Burg’ulash inshootlarini montaj qilish va ko’chirish.
Reja:
1.Burg’ulash qurilmalarini transportda tashish.
2. Mezanalarni montaj qilish va transportda tashish.
3.Minorali turdagi mezanalarning qismlari.
4.Ko’targichning chiziqli o’lchamlari.