Gmz3 oqova suvlarini ko`p bosqichli tozalash bo`yicha tajribaning 4-kuni

08.08.2022
GMZ3 oqova suvlarini ko`p bosqichli tozalash bo`yicha tajribaning 4-kuni.
Soat – 9:³⁰ Harorat - 28°C; shamol tezligi – 137 km/s
1-idishdagi o`simliklarning o`sish va rivojlanishi nisbatan sekinlashgan. Oqova suv tarkibidagi loyqa miqdori dastlab ko`p bo`lganligi sababli tajribadagi o`imliklar ildiz sathini qoplab olgan. Shu bois tajribaning 3-sutkasida (07.08.2022y) 1-idishga 100gr biomassadagi yangi o`simlik tuplari ekildi. Tajribaning 4 – sutkasida (08.08.2022y) ularning normal vegetatsiyasi davom etdi. Shu bilan birga dastlabki konstruksiyaning 1-idishda bo`lgan o`simlik massasi ham 80% zararlangan bo`lsada yangi kurtak va novdalar rivojlanish davom etmoqda.
2-idishda o`simliklarning dastlabki biomassalarida barg yaproqlari qurigan, ammo, bandlari tirik. Barglarning quyoshga qaragan tomoni zararlangan. Yangi chiqarilgan barg yaproqlarida qurish bor.
3-idishda o`simliklarning umumiy xolati yaxshi. Ona o`simlikning barg yaproqlari zararlangan. Ildizlari normal, tiniq, yaltiroq, to`q ko`k rangda.
4-idishdagi o`simliklarning vegetatsiyasi yaxshi. Barglarda shikastlanish kam. Ildiz tizimida rang o`zgarish holati kuzatilmagan. Tiniq
5-idishdagi o`simliklar 7.08.2022 kuni ekilgan. Barglarda qurish yo`q. ildiz tizimi yaxshi. Uchi oqish, ko`rinishi normal. Barg bandlarining quyoshga qaragan tomoni normal. Barglarning umumiy soni 62 ta bo`lib, ulardan 5 tasi qurigan.
6-idishga o`simliklar bugun (08.08.2022) solindi. Ekilgan o`simlik ildizi normal. To`pgul mavjud. Jami barg yaproqlarining soni 56ta. Ildizlari oq. Tiniq.
09.08.2022
Soat – 9:<sup>00</sup> Harorat - 31°C; shamol tezligi – 105 km/s
1-idishdagi o`simliklarda qurish jarayoni davom etmoqda. Yangi tashlangan massa gullash davrini o`tamoqda. Barg yaproqlarida taranglik pasayib qurish alomatlari boshlanish sezilmoqda. Ammo barg bandlarida shikastlanish alomatlari yo`q. Ldizining uchki qismi oq rangda, sog`lom.
2-idishdagi o`simliklarning ildiz qismi qoraygan. O`simlikning 40% qismi qurish jarayonida. Barg bandining quyoshga qaragan tomoni qurigan, suvga botgan tomonida esa qurish alomatlari yo`q. Barg yaproqlarida esa qurish davom etmoqda. Yangi barglar hosil bo`lmoqda.
3-idishdagi o`simliklar ildizida zararlanish xolatlari deyarli yo`q. Barg yaprog`ining faqat chetki qismlarida biroz qurish alomati bor. Barg bandlarining zararlanmaganini ko`rish mumkin. O`simlik biomassasida umumiy barglar soni 66 ta bo`lib, ulardan 42 tasi mutlaqo sog`lom barg. 24 tasida chetida sariqlik mavjud.
4-idishdagi o`simliklarda qurish alomatlari yo`q. Ildiz qismi kuzatilganda rangi to`q yashil ekanligi, tiniqligi va uchki qismida qoramtir yo`qligini ko`rish mumkin. To`pguldagi gullar changlanib bo`lib, gulbandi pastga qarab o`sishda davom etmoqda. Barg bandlarining suvga qaragan tomonida ham, quyoshga qaragan tomonida ham shikastlanish alomatlari yo`q. Barg yaproqlarining faqat chetki qismida sariqlik paydo bo`la boshlagan. Barg yaproqlarining tarangligi normada. Umumiy biomassadagi barg yaproqlar soni 64 ta bo`lib, ulardan 11 tasida qurish alomatlari sezila boshlagan. Yangi Barglar hosil bo`lgan.
5-idishdagi o`simliklarning rivojlanish holati normada ketmoqda. Ildiz zonasida mutlaqo zararlanish ko`rinmadi. Rangi to`q ko`k, uchki qismi tiniq oq rangda. Barg bandlarida taranglik yuqori, rangi yashil. To`pgullar changlanib bo`lgan. 3 ta to`pgul suvostida, 5 tasi suvga qarab o`smoqda. Jami Barglar soni 69 ta bo`lib ulardan 12 tasida qurish alomatlari mavjud. Barglar orasida yangi hosil bo`lgan yosh barglar ko`plab uchraydi, ya`ni 1 sutkada 13 taga ortgan.

№	Bo`yi	eni
I barg	65 sm	83 sm
II barg	50 sm	64 sm
III barg	49 sm	74 sm
IV barg	52 sm	73 sm

(5-idishdagi barglar uzunligi)
6-idishdagi suv harorati 22°C. Bu idishdagi o`simliklar kecha (08.08.2022) solindi. Xolati juda ham yaxshi. O`simlik ildizining rangi tiniq, to`q ko`k rangda. Uchki qismlari esa oqish, uchki qismida xiralashish yo`q. Barg bandlari mutalqo sog`lom. 3 ta to`pgul suvga rarab o`smoqda. Barg yaproqlarining holati yashil, sog`lom. 10 ta barg yaprog`ining uchki qismida 0,1-0,2 mm uzunlikda sarg`ayish mavjud. Barg yaproqlarining soni 64 ta bo`lib, 4 tasi sarg`ayishni boshlagan.
7-idishdagi suvga 100 gr atrofida ozuqa adsorbend qo`shildi. Adsorbent yaxshilab eritildi. So`ngra unga yangi o`simlik ko`chati o`tqazdik. Ushbu o`simlik massasida 4 ta to`pgul mavjud. Barg yaproqlarining soni 64 ta. Qurish alomatlari yo`q. Barg bandlari sog`lom.

№	Bo`yi	eni
I barg	75 sm	93 sm
II barg	65 sm	90 sm
III barg	47 sm	62 sm
IV barg	45 sm	60 sm

(7-idishdagi barglar uzunligi)