Jahon hamjamiyatiga kirib borishi

---

26-MAVZU. XALQARO IQTISODIY INTEGRATSIYA VA OʻZBEKISTONNING 

JAHON HAMJAMIYATIGA KIRIB BORISHI  

 

Oldingi  mavzudan ma’lum boʻldiki, hozirgi vaqtda jahon iqtisodiyotida ikki tendentsiya 

amal  qilmoqda.  Bir  tomondan,  mamlakatlar  oʻrtasidagi  iqtisodiy  aloqalarning  rivojlanishi, 

xalqaro  savdoning  erkinlashuvi,  kommunikatsiya  va  axborot  zamonaviy  tizimi,  texnik  jihatdan 

jahon  andozalari  va  me’yorlarining  yaratilishi  natijasida  jahon  xoʻjaligining  yaxlitligi,  uning 

globallashuvi  kuchaymoqda.  Ayniqsa  bu  jarayon  transmilliy  korporatsiyalarning  faoliyatlari 

orqali aniq namoyon boʻlmoqda. 

Boshqa tomondan, mintaqaviy darajada mamlakatlarning iqtisodiy jihatdan yaqinlashuvi 

va oʻzaro aloqadorligi roʻy berib, jahon xoʻjaligining nisbatan mustaqil markazlarini tashkil etish 

yoʻnalishida rivojlanayotgan yirik mintaqaviy integratsion tuzilmalar shakllanmoqda. 

Shunga  koʻra,  ushbu  mavzuda  xalqaro  integratsiyaning  mohiyati,  maqsad  va  shakllari 

bayon  etiladi.  Xalqaro  iqtisodiy  integratsiyaning  turlicha  nazariyalari  tahlil  etilib,  jahondagi 

asosiy  integratsion  guruhlar  koʻrib  chiqiladi.  Mavzu  soʻngida  hozirda  Oʻzbekistonning  jahon 

hamjamiyatiga kirib borishi va tashqi iqtisodiy faoliyatining asosiy yoʻnalishlari ochib beriladi.