Mashg‘ulot: “Oshpaz” kasbi haqida suhbat

Mashg‘ulot: “Oshpaz” kasbi haqida suhbat.


OSHPAZ
Palov, manti va lag'mon
Buncha shirindir taom
Ovqat pishirsa oshpaz
Ko'rib qilasan havas.


Maqsad: Bolalarning oshpaz kasbi haqidagi bilimlarini aniqlash va mustahkamlash. Oshpaz kasbi mavzusida bolalar nutqini boyitish va faollashtirish.
Vazifalar:
Tarbiyaviy: oshpaz kasbi va uning ishi uchun zarur bo‘lgan mavzular haqida tushuncha berish, dasturxonning bir qismini tanib, nomlay olish, kognitiv faollikni rivojlantirishga, atrofdagi dunyoga qiziqishni rivojlantirish kattalar mehnatiga hurmatni tarbiyalash.
Ta’limiy: badiiy va yestetik rivojlanish, kognitiv rivojlanish, jismoniy rivojlanish, nutqni rivojlantirish. bolalar nutqini, xotirasini, tafakkurini rivojlantirishga ko‘maklashish.
Lug‘at ishi: oshpaz, qopqoq, apron, shim, pishiring, qovuring.
Oldindan qilinadigan ishlar: Mashg‘ulotdan bir necha kun avval (3-4 kun) bolalarni oshxonaga olib borib, oshpaz mehnati bilan tanishtiriladi, uyda oyilari, buvilarining ovqat tayyorlash jarayonlarini kuzatish.
Mashg‘ulotga tayyorgarlik: Tarbiyachi oshpaz kasbiga oid suratlarni ilib qo‘yadi.
Materiallar va jihozlar: sabzavot va mevalar rasmlari, oshpaz surati.
Mashg‘ulotning borishi.
Tarbiyachi: - bolalar biz kim haqida gaplashamiz va nimalar bilan mashg‘ul bo‘lamiz, xozir sizga aytadigan topishmog‘imdan bilib olasiz:
- Ayting-chi, nonushta va tushlikka
Kim mazali sho‘rvalar,
Xushbo‘y kotletlaru
Turli xil salatlar tayyorlaydi?
(Slayd 1)



Bolalar: albatta oshpaz.
Tarbiyachi: bolalar oshpaz kasbi haqida aytib berishimni xohlaysizmi?
Bolalar: Ha.

Tarbiyachi: Bizning bolalar bog‘chamizda oshxonada oshpazlar ishlaydi. Ular bizga mazali taom pishiradilar. (Slayd 2)

- Oshpazlar qanday kiyingan? (maxsus kiyimlarda ular oq xalat, boshlarida qalpoq kiyib olishadi, sochlar ovqatga tushmasligi uchun).

Tarbiyachi: bolalar, oshpaz opalarimiz qanday taomlar pishiradilar, eslab olaylik?
Bolalar: 1-ovqatga- sho‘rva, karam sho‘rva, mastava, noxot shurva;
Bolalar: 2-ovqatga kartoshka bo‘tqasi va kotlet, makaron jarkop, manti, do‘lma, palov.
Bolalar: 3-ga - kompot, jele, choy.
Tarbiyachi: Ovqat pishirish uchun oshpazga maxsus xona kerak, u oshxona deb ataladi. Oshxonada oshpazning ishiga yordam beradigan buyumlar mavjud.
Didaktik o‘yin: "Oshpaz kasbi uchun zarur bo‘ladigan buyumlar tasvirlangan kartalarni toping"(3-slayd).

Tarbiyachi: keling, stolga yaqinlashib, oshpaz kasbi uchun qanday buyumlar kerakligini ko‘rib chiqaylik? (qozon, cho‘mich, tovalar, qirg‘ich, go‘sht maydalovchi, jo‘va)

Biz rasmlarni molbertga qo‘ydik.
Tarbiyachi: bolajonlar– oshpaz kasbi haqida o‘zingiz bilganlaringiz haqida so‘zlab berishga harakat qilib ko‘ring-chi.
Bolalar javoblari.
(Tarbiyachi bolalarning javoblarini umumlashtirib, oshpaz kasbiga ta’rif beradi). Oshpaz oddiy mahsulotlardan turli xil va shirin ovqatlar pishirish bilan shug‘ullanadigan kasb egasi. Oshpazlar faqat bog‘chalardagina emas, balki zavod, fabrika, shahar, tuman oshxonalarida ham ishlaydilar.
Bog‘chada ishlaydigan oshpazlar bolalarga shirin va mazali ovqatlar tayyorlaydilar. Oshpazlar ovqatlarni bolajonlar kutib qolmasliklari uchun o‘z vaqtida yetkazib berishga harakat qiladilar va yetkazib beradilar. Bog‘chamiz oshpazi Rahima xola oshpazlik kasbini mohir ustasi, o‘z ishlarini yaxshi biladilar. Siz Rahima xola pishirgan ovqatlarini har kuni maza qilib, tanavul qilasizlar. Rahima xola pishirgan ovqatlarni ishtaha bilan yesangiz, sog‘lom, baquvvat, kuchli bo‘lib o‘sasizlar. Oshpaz Rahima xola pishirgan ovqatlarni qoldirmasdan yeganingizdan xursand bo‘ladilar.
Zavod, fabrikalarda, shahar, tuman oshxonalarda ishlaydigan oshpazlar ishchi, xizmatchilarga, Respublikamizga kelgan turli mehmonlar uchun mazali, shirindan-shakar ovqatlar tayyorlab beradilar, xalqqa xizmat qiladilar. (Suratlar ko‘rsatib, suratlar bo‘yicha suhbat o‘tkazadi).
Bolajonlar, nima deb o‘ylaysizlar. Mazali taomlar tayyorlash uchun oshpazga qanday sharoit bo‘lishi kerak? Nima uchun ba’zi oshpazlarni taomlari shirin, mazali bo‘ladi? Taom tayyorlashda mahsulotlar yaxshi bo‘lishi kerak-mi? Oshpaz taom tayyorlashda qanday ko‘nikmalarga ega bo‘lishi lozim? Oshpaz taom tayyorlayotganda qanday kayfiyatda bo‘lishi lozim? Bolajonlar oshpaz taom tayyorlashlarida qanday anjomlardan foydalanadi? (qozon, kapkir, tova, pichoq, tog‘oracha, qiymalagich, elak, qoshiq, cho‘mich va boshqalar).
Bolajonlar, qani aytinglar-chi, oshpaz qanday fazilatlar egasi bo‘lishi kerak? ( diqqat-e’tiborlik bo‘lishi, ozodagarchilikka qattiq rioya qilishi, hid bilish, ta’m bilishga sezgir bo‘lishi kerak). Men sizlarga hozir “Sezgir burun” o‘yinini o‘ynashni taklif etaman. Bu o‘yindan sizlarni qanchalik hid bilish sezgingiz rivojlanganini bilib olamiz.


“