Mavzu: Badiiy asar tili Kirish I bob. Badiiy asar tili

Mavzu: Badiiy asar tili
Kirish
I BOB. Badiiy asar tili.
1.1. “Badiiy til”, “Adabiy til”, “Milliy til” tushunchalari xususida
1.2. Muallif nutqi hamda personajlar nutqining o`ziga xosliklari
II BOB. Badiiy asar tilida lingvistik birliklarning ahamiyati.
2.1Fonetik birliklarning asar tilidagi o`rni va badiiy til vositalari
2.2 “MIRZO ULUG’BEK” TRAGEDIYASIDA NUTQDA HAQORAT EMASIGA USLUBIY XOSLANISHI
Xulosa
Foydalanilgan adabiyotlar ro`yxati

Kirish
O`zbekiston Respublikasida amalga oshirilayotgan ijtimoiy islohotlar jamiyat taraqqiyotini ta`minlash, uzluksiz ta`lim tizimini joriy etish, shuningdek, mustaqil fikr egasi, erkin va ijodkor shaxsni tarbiyalab voyaga yetkazishda alohida ahamiyat kasb etmoqda. Ta`limiy islohotlarning ikkinchi- sifat bosqichi kechayotgan mavjud sharoitda O`zbekiston Respublikasida “Ta`lim to`g`risida”gi qonun va ta`limga oid boshqa qonun hamda qarorlarning qabul qilinishi bilan belgilangan vazifalarning to`laqonli amalga oshirishga erishish hamda ijtimoiy-iqtisodiy rivojlanish xususiyatlariga tayangan holda qonunlar mazmuniga tegishli o`zgartirishlarni kiritish yo`lida amaliy harakatlar olib borilmoqda.
O`zbek adabiyotining tarixiy tadriji juda qadim tarixiy ildizga ega. Uning ilk namunalari xalq og`zaki ijodi janrlari va shakllari asosida yaratilgani barchaga ma`lum. Xohlagan xalqni olaylik, uning ma`naviy merosi badiiy asarlarsiz, xalq asarlarisiz mavjud bo`lmaydi. Muhtaram birinchi prezidentimizning mustaqillik yillarida katta e`tibor qaratgan sohalardan biri ham adabiyot va madaniyat, tarix va milliy meros ekanligi barchaga ma`lum. Sababi har bir xalq o`zining milliy madaniy merosidan ayro holda mavjud bo`lmaydi. Shu o`rinda Islom Karimovning quyidagi fikrlari alohida ahamiyatlidir: “Ma`naviyat- insonni ruhan poklanish, qalban ulg`ayishga chorlaydigan, odamning ichki dunyosi, irodasini baquvvat, iymon-e`tiqodini butun qiladigan, vijdonini uyg`otadigan beqiyos kuch, uning barcha qarashlarining mezonidir”¹.
Biz ushbu kurs ishimizda badiiy asar tili xususida so`z yuritib, asar tilining o`ziga xosliklari, uning asardagi qiymati, o`rni masalalariga alohida to`xtalib o`tdik. Badiiy asar tili nasriy, she`riy hamda drammatik asarlarda farqlanishini misollar asosida tahlil etdik. Badiiy asarda muallif hamda personaj nutqi masalalariga ham alohida e`tibor qaratib, asar tilidagi vazifasiga to`xtalib o`tdik. Lingvistik birliklarning asar tilidagi vazifasi ham tahlil etilgan.