Mavzu: Og`zaki mashqlardan foydalanib 1-2 sinf o`quvchilarini o`quv faolligini oshirish. Mundarija: Kirish I bob i-iisinflarda matematika o‘qitish borasida izchillik

Mavzu: Og`zaki mashqlardan foydalanib 1-2 sinf o`quvchilarini o`quv faolligini oshirish.
MUNDARIJA:
Kirish…………………………………………………
I BOB
I-IIsinflarda matematika o‘qitish borasida izchillik
1.1. Og‘zaki mashqlarni tuzish va uni ishlatishga qo‘yiladigan didaktik talablar
1.2 Ta`lim jarayonida og‘zaki mashqlardan foydalanishdagi didaktik sharoitlar
II BOB
Og`zaki mashqlar orqali o`quvchilarini o`quv faolligini oshirish
2.1. Og`zaki hisoblashga doir mashqlarni turlari
2.2 Og`zaki hisoblash malakasini shakillanturuvchi didaktik o`yinlar
Xulosa ……………………………..
Foydalanilgan adabiyotlar …………………….


Kirish

Hozirgi paytda maktablarda boshlang‘ich sinflarda matematika o‘qitishning asosiy vazifalaridan biri o‘quvchilarni har tomonlama yetuk insonlar qilib tarbiyalash hisoblanadi. Bunda ularda matematika bo‘yicha bilimlar berish bilan birga ularga o‘rganilayotgan bilimlarni asosli va puxta bo‘lishini ta‘minlash, ularni qo‘llay olish ko‘nikma va malakalarini shakllantirish muhim ahamiyatga ega. Ayniqsa matematika darslarida arifmetik amallarning chuqur o‘rganilishi ularni hisoblash malakalarini egallashlariga hamda ularni kelgusida o‘quv faoliyatida muvaaffaqiyatli qo‘llashlari uchun asos bo‘lib xizmat qiladi. Shu nuqtai nazardan og‘zaki va yozma hisoblashlar usullarini va ularni qo‘llashni o‘rgatish o‘ziga xos xususiyatlarga ega, ularni o‘zaro aloqadorlikda va o‘quvchilar amaliy faoliyati tajribasi bilan qo‘shgan holda o‘qitish dolzarb masalalardan hisoblanadi. Bu usullarni ishlab chiqish va amalda qo‘llash o‘qitish sifat va samaradorligini oshirishga xizmat qiladi. Boshlang‘ich ta‘limda matematika o‘qitishning asosiy maqsadlaridan biri ham hisoblash malkalarini shakllantirish asosida o‘quvchilar qobiliyat va qiziqishlarini rivojlantirish hisoblanadi. Demak, boshlang‘ich sinflarda og‘zaki va yozma hisoblashlar usullarin mohiyatini va hisoblash usullarini yetkazish uslubiyatini ishlab chiqish o‘z ichiga o‘quvchilarda umuman boshlang‘ich matematika asosiy tushunchalarni shakllantirish va ularni amalda qo‘llay olish ko‘nikma va malakalarini rivojlantirishni oladi.

Bunga sabab quyidagilar:
1.Boshlang‘ich ta‘limda matematika o‘qitish arifmetik amallar mohiyatini ochish orqali, og‘zaki va yozma hisoblashlar usullarin qo‘llay olish ko‘nikmalarini va shu asosda mantiqiy biri-biriga bog‘langan tushunchalar, ta‘riflar, qoidalar va xulosalarni keltirib chiqarishga asoslangan.
2. Boshlang‘ich ta‘limda matematika o‘rganishda har og‘zaki va yozma hisoblashlar usullarining o‘ziga xos o‘qitish usullariga hamda o‘zaro aloqadorlikka, uzviylikka ega, bu esa o‘quvchilarga hisoblash usullarini egallashlari bilan birga, ularda umumiy fikrlash usullari va ko‘nikmalarni rivojlantirishga ta‘sir ko‘rsatadi.
3.Boshlang‘ich ta‘limda matematika o‘qitishning og‘zaki va yozma hisoblashlar usullaridan foydalanishga doir mashq va masalalarni yechish ko‘rgazmali tasavvurlar bilan birga mantiqiy fikrlashni, asoslash va amaliy qo‘llanishni talab etadi. Shularni hisobga olib ushbu malakaviy bitiruv ishi boshlang‘ich sinflar matematika darslarida og‘zaki va yozma hisoblashlar usullarini o‘rganishga va bu borada uslubiy tavsiyalar ishlab chiqishga bag‘ishlangan.