O`quvchi soni: 29 nafar

Familiyasi: Artikova

Ismi: Ugulay

Sharifi: Muminbekovna

Ish joyi: 13 – umumiy o`rta ta’lim maktabi

Lavozimi: Boshlang`ich ta‘lim fani o`qituvchisi

Tuman: Paxtakor

Viloyat: Jizzax

Fanning nomi: O`qish

Sinfi: 1 - sinf

Dars ishlanma mavzusi: “Navro`z – bahor bayrami”

O`quvchi soni: 29 nafar

E-mail: [e-mail]

Annotatsiya :

Darsda o`quvchilarning ravon va qiroat bilan o`qish ko`nikmasi rivojlantiriladi, og`zaki nutq va lug`at boyligi oshirib boriladi. Tabiatni asrab-avaylashga o`rgatiladi. Navro`z bayrami, milliy udumlar, urf-odatlar bilan tanishtirilib, milliy qadriyatlarimizga hurmat ruhida tarbiyalash ko`zda tutilgan

O`quvchilarning to`g`ri, ifodali o`qish, mustaqil fikrlash malakalari rivojlantiriladi

Birinchi sinfda O`qish darsi

1. 
   Mavzu: Navro`z bayrami.
   
2. 
   Maqsad:
   
   1. 
      Ta`limiy: Ravon va qiroat bilan o`qish ko`nikmasini rivojlantirish, og`zaki nutq va lug`at boyligini oshirish.
      

B) Tarbiyaviy: Tabiatni asrab-avaylashga o`rgatish. Navro`z bayrami, milliy udumlar, urf-odatlar bilan tanishtirish, milliy qadriyatlarimizga hurmatni tarbiyalash

D) Rivojlantiruvchi: o`quvchilarning to`g`ri, ifodali o`qish malakalarinirivojlantirish, sinfdan tashqari o`qish malakalarini rivojlantirish.

III.Dars turi: Yangi bilimlar beruvchi.

IV Dars jihozi: darslik, tarqatma didaktik material,rasmlar.

V. DTS talabi: - To`g`ri va qiroat bilan o`qish.

- Bahor fasli oylarini bilish.

- Bahor bayramlarini bilish.

- Navro`z so`zining ma`nosini izohlay olish.

- Navro`z bayrami arafasida xalqimizning urf-odatlari, udumlarini bilish va sharhlay olish.

VI. D A R S R E J A S I (45 daqiqa)

№	Darsning qismlari	Taqsimlangan vaqt
1	Tashkiliy qism	5 daqiqa
2	O`tilgan mavzuni so`rash	10 daqiqa
3	Mavzuni va kutilayotgan natijani e’lon qilish	2 daqiqa
4	Yangi mavzu bayoni	20 daqiqa
5	Mustahkamlash	5 daqiqa
6	Uyga vazifa berish, darsni yakunlash	3 daqiqa

VII. Darsning borishi.

Tashkiliy qism: Dars shiori:

Tez va to`g`ri o`qish,

Keltirar bizga olqish.

O`quvchilar: Har tong ertalab,

Boramiz maktab tomon.

Bizlar ilmga chanqoq,

Ustozimiz mehribon,

Qo`limiz ko`ksimizda

Hamma: Assalomu alaykum!

O`qituvchi: Tong ajoyib bir payt, tengi yo`q husn,

Go`zal tabiatning dilbar lavhasi.

Yil kitob, har kunduz undan bir varaq,

Tong esa shu kunning gul sarlavhasi.

Umrimiz bir kitob, o`tayotgan har bir kunimiz esa undag bir varaqni tashkil etadi. Biz har tongni intiqlik bilan kutamiz. Shunday ekan, bugungi oppoq varag`imizni yangi bilimlar bilan to`ldirishni boshlaymiz.

Aziz bolajonlar bugungi darsimizning shiorini qanday nomladik?

O`quvchilar: Tez va to`g`ri o`qish.

O`qituvchi:Raxmat, aziz bolajonlar siz ushbu shiorga nafaqat bugun, doimiy ravishda rioya qilsangiz albatta tez va to`g`ri o`qishni o`rganasiz. Aziz bolajonlar siz bugungi dars jarayonida quyidagi 5 ta imkoniyatdan foydalanasiz.

1. 
   O`tilgan dars yuzasidan bilimlarni so`rash va mustahkamlash.
   

–o`quvchilar A.Obidjonning “Bekinmachoq” she`rini yod aytib beradilar. Bu o`quvchilar uchun:

1 - imkoniyat “Xotira charxi”.

-Yana qanday milliy o`yimlarni bilasiz? Besh tosh, “chillak ”o`yini.

2 - imkoniyat “Milliy o`yin”ni sharhlash.

3.Yangi mavzu bayoni.

Aziz bolajonlar, manabahor fasli kelib hamma tomonda bahor nafasi ufurib turubdi.

Qishning sovuq,izg`irinli kunlarining o`rnini bahorning iliq yoqimli kunlari egalladi. Bahor bayramlar fasli.

-Bahor faslida qanday bayramlarni nishonlaymiz? 8-mart onajonlar bayrami, 21-mart navro`z bayrami.

-Matnni o`qish 3-imkoniyat: “Tez va to`g`ri o`qish”

va mazmunini tushuntirish.

O`quvchilarga yangi mavzu navbatma-navbat o`qitiladi. She`riy didaktik o`yin: “Quvnoq daqiqa”

Mehr unib dillarga

Suv taradik gullarga

Qushchalarga don berdik

Mehr berdik jon berdik

So`n yayrashib o`ynadik

So`ng sayrashib o`ynadik

Bir, ikki, uch, to`rt

Sho`x kuylashib o`ynadik

4 - imkoniyat: “Navro`z udumlari”

Bu shartda o`quvchilar xalqimiz udumlaridan birini ta`riflab yoki sahnada ko`rsatib berishlari kerak bo`ladi.

VIII.Darsni mustahkamlash.

-Navro`z so`zining ma’nsini ayting .

-Navro`z qachon bayram qilinadi?

-Navro`z udumlaridan bilasizmi?

-Qanday Navro`z taomlarini bilasiz?

-Navro`z taomlariga nimalar silonadi?

5 - imkoniyat: “Topqirlik”

Bu shartda o`quvchilar Navro`z bayramiga Doir gapni topishlari kerak

-Aziz bolajonlar bahor faslida qanday gullar ochiladi?

Lola , Chuchmoma, Qizg`aldoq, Binafsha.

O`quvchilar:

1-o`quvchi: Binafsha gul Binafsha

Bahoroyning elchisi

Bulbulning navosisan

Navro`zjonning belgisi

2-o`quvchi: Gul lolalar ochildi.

Atrofga hid sochildi.

Atirgul-u gulsafsar

Boychechagu gulbeor.

3-o`quvchi: Gullar ichra birinchi

Ochilasan boychechak.

Dala qirlar bag`riga

Sochilasan boychechak.

4-o`quvchi: Bahor chog`i ochilib

Hushbo`y hidga to`libsan.

Hech to`ymadim termulib,

Sog`inganim bilibsan.

Chuchmomajon-chuchmoma.

IX. Uyga vazifa: “Navro`z bayrami” mavzusida she’r yod olish

X. Darsni yakunlash: Har bir guruh to`plagan rag`batlarni hisoblab ball to`plagan o`quvchilar baholanadi va rag`batlantiriladi.
Foydalanilgan adabiyotlar:

1. 
   1 – sinf o`qish darsligi
   
2. 
   1 – sinflar uchun o`qish fanidan metodik qo`llanma
   
3. 
   O`zbek tilining izohli lug`ati
   
4. 
   “Boshlang`ich ta’lim” jurnali
   
5. 
   Rtm.uz sayti