O’rganish

---

Tajriba ishi №6 

Reykalar yordamida sanoq olishni, nisbiy balandlik o’lchashni 

o’rganish

.

 

 

 

Ishdan  maqsad:  Nivelir  reykalari  bilan  tanishish  va  ulardan  sanoq  olish 

tartibini, balandlik o‘lchashni o‘rganish. 

Topshiriq: Brigadaga o‘qituvchi tomonidan ajratilgan asboblarni olish va 

ishni bajarish. 

Ishni N-3 niveliri yordamida ko‘rib chiqamiz. 

 

Nivelir reykalari. 

GOST 11158-76 ga binoan nivelir reykalari RN-05; RN-3 va RN-10 kabi 

belgilar bilan chiqariladi. Bu  belgilashdagi oxirgi  raqam  —  1 km  dagi nivelirlash 

xatosining  qiymati.  RN-05  bir  tomonli  shtrixli  bo‘lib,  I,  II  klass  nivelirlashda 

ishlatiladi.  RN-3  ikki  tomonli,  shkalali  bo‘lib,  III  va  IV  klass  nivelirlashda 

ishlatiladi.  RN-10  texnikaviy  nivelirlashda  qo‘llaniladi.  GOST  15095-69  ga ko‘ra 

PH1,  PH2,  RN3,  RN4  va  RNT  belgili  reykalar  ham  chiqariladi.  Reykalar  1500, 

3000  va  4000  mm  li  bo‘ladi.  RN-10  da  4000  mm  li  reyka  ishlatiladi.  Reykalar 

yig‘ma  (9.1-rasm,  ye)  va  butun  (9.1-rasm,  a)  qilib  ishlanadi.  Yig‘ma  reyka 

belgisida S harfi qo‘shib yoziladi. Yozuvlar to‘g‘ri va teskari bo‘ladi. To‘g‘ri reyka 

belgisiga P harfi qo‘shiladi. Masalan, RN-3P 4000 S, ya’ni (III) klass nivelirlashda 

ishlatiladigan,  to‘g‘ri,  4000  mm  li  nivelir  reykasi,  yig‘ma.  Markaga  osiladigan 

reyka 1200 mm li bo‘lib, u osma reyka deyiladi (6.1-rasm.g). 

 

 

6.1-rasm. Nivelir reykalari, bashmaklar, temir qoziq: 

a — reykaning qora tomoni, b — va v — qizil tomoni, g — osma reyka, d — va ye — bir 

tomonlama qo‘shaloq reykalar, j, z — bashmaklar, i — temir qoziq (kostil). 

Texnik nivelirlarda butun va yig‘ma reykalar ishlatiladi; ularning bo‘yi 2—

---

4  m,  eni  8—10  sm,  qalinligi  2—3  sm  bo‘ladi  va  quruq  qarag‘aydan  yasaladi. 

Reyka  bir  tomonli  yoki  ikki  tomonli  bo‘ladi.  Bir  tomonli  reykada  yozuv  va 

bo‘laklar bir tomonda bo‘lib, har metr oralatib qizil va qora rangda yoziladi. Ikki 

tomonli  reykaga  bir  tomonga  yolg‘iz  qora  rangda,  ikkinchi  tomoniga  esa  qizil 

rangda yoziladi. Shunga ko‘ra, bu tomonlar reykaning qora va qizil tomonlari deb 

yuritiladi. Qora tomonda reyka tagidan boshlab, santimetrli oq va qora bo‘laklarga 

bo‘linadi. 3 m li reykada yozuvlar 0 dan boshlanib, 3000 da tugaydi. Bo‘laklarning 

har  desimetri  Ye  shaklidagi  belgidan  boshlanadi  va  qiymati  dm  birlikda  yoziladi. 

Har metr 10 desimetrga, desimetr 10 sm ga bo‘lingan. Bir bo‘lak (shashka) qiymati 

1  sm.  Qizil  tomonda  yozuvlar  0  dan  boshlanmay,  balki  boshqa  bir  katta  sondan, 

masalan,  4687  mm  dan  (butun  reykada)  yoki  4468  mm  dan  (yig‘ma  reykada) 

boshlanadi.  6.1-rasmda  4800  va  4700  dan  boshlangan.  Bu  reykalar  juft  reykalar 

deyiladi.  Truba  teskari  tasvir  berganidan  reyka  yozuvlari  teskari  bo‘ladi.  Qora  va 

qizil tomon sanog‘i 100 mm ga farq qiladigan reykalar ham ishlatiladi. Ba’zan qora 

va  qizil  yozuvlar  reykaning  bir  tomonida  bo‘ladi.  Ba’zi  reykalarda  qora  va  qizil 

tomon  yozuvlari  0  dan  boshlanadi,  lekin  qizil  tomon  bo‘laklarining  qiymati  1  sm 

emas,  balki  1,1  sm  bo‘ladi.  Sanoqlar  tekshirilganda  qizil  tomon  sanog‘i  1,1  ga 

ko‘paytiriladi.