O‘zbekiston – yagona Vatan

O‘zbekiston – yagona Vatan

Vatan tabarruk maskan, ajdodlardan avlodlarga buyuk meros, aziz xotiradir. Shu bois Vatan deganda biz faqat mana shu yurt tuprog‘ini emas, balki bu zaminda bo‘y ko‘rsatgan giyohdan tortib uning daryo-yu soylari va tog‘-u toshlarigacha, odamlaridan tortib to eng mitti jonvorlarigacha narsalarning barchasini tushunamiz. Vatan tuprog‘idagi oddiy has ham, oddiy chag‘ir tosh ham bizga muqaddasdir. Shuning uchun ajdodlarimiz yurt tuprog‘ini ko‘zlariga to‘tiyo etgan, qayga borsa ham Vatan yodi bilan nafas olgan, uni yot nazarlardan shum niyatlardan himoya qilgan. Har bir insonning vatani uning uchun dunyodagi eng go‘zal va muqaddas makon hisoblangan. Ayniqsa, u mustaqil bo‘lganida, yana ham go‘zallashdi.
Vatanimizni qanchalik sevsak, uning xususiyatlari shunchalik ortadi, yurtimiz betakror va yagona ekanini his etamiz.
Vatan tuyg`usi bu Vatanni anglash har bir umr davom etadigan uzluksiz jaroyondir. Biz har gal o`lkamiz bahori, yozi, kuzi va qishiga ro`baro` kelganda, uning tog`-u toshlari, daryo-yu o`rmonlari, bepoyon dalalari, tarixiy obidalari, obod shahar-u qishloqlarini ko`rganda, ko`nglimizda yangi-yangi tuyg`ular paydo bo`ladi.
Vatan - kindik qonimiz to’kilgan, jonga jondosh, qalbga sirdosh eng ulug’ kalom. Vatan - muqaddas dargoh, mo’jizali maskanlari bilan yuraklarga jo bo’lgan, har qarich yeri-yu, kaftdek tuprog’i zar, ko’zga gavhardir. Ona yurt misli qimmatli Ko’hinur olmosi kabi Vatan ichida yashaguvchi farzandlar uchun shunchalik ardoqlidir. Bulbul o’z tikonzorida yayrab sayraganidek, odamizot ham o’z ona tuprog’ida baxt osmonini quchmog’i mumkin. Bu maskanning na bahosi va na qiyoslanuvchi qudrati bor. Vatan azaldan muqaddas sanalgan. Suvidan to giyohi qadar begona ko’zlardan himoyalangan. Demak, bu yurt uchun har bir farzand jon kuydurmog’i, kelajagi uchun oz bo’lsa-da nafi tegadigan bo’lib yashamog’i lozim. Samimiy insonga inson do’st bo’lishga talpinganidek, iymoni but farzandi bo’lmog’i uchun ham Vatan ona kabi intilaveradi, o’sha insonni asrab-avaylaydi. Bu maskan qadrini faqat bir soniya bo’lsa ham musofir bo’lgan insongina tushunadi. Vatan ta’rifiga kalom-u, yozmoqqa qalam ojiz. Har bir insonning sog’ingan yuraklar taftiga mehr urug’ini qadaguvchi buyuk yurtida hamisha ezgulik, tinchlik bardavom va abadiy bo’lsin!
Yulduzlar miltillab, osmon fonusi oy bilan hamohang nur taratayotgan tun qo’ynida sokin navo insonni o’ziga shaydo etadi. Bu navo osudalik va farovon hayot nash’asi bilan jamlanib, goho shirin hayolotlarga yetaklaydi. Vatan tafti ayni shu hissiyotni berguvchi mehrga chambarchas bog’lanib ketadi. Ona kabi jonga jondosh, ota kabi qonga qondosh bo’lguvchi kuchni aynan Vatan bera oladi. Har kim uchun Vatan yagona va takrorlanmas mo’jiza. Quyosh erta tongdan nafis nurini, iliq sehrini baxshida etayotgan mahali har bir inson qalbida ajib bir tuyg’u tug’yon uradi. Yoinki, go’zal gul atriga oshiq qush misol atrofingda xushbo’y nasim kuy chertadi. Ayni shunday unutilmas xotiralarni ulashguvchi shul buyuk maskan jigargo’shasi ekanligingizdan faxr etib, go’yoki, osmonlarni zabt etgandek bo’ladi inson. Ha, shu maskan bizniki, barchamizniki! Zaminimizning yagonaligi va betakrorligini asrash uchun barchamiz bir yoqadan bosh chiqarmog’imiz darkor. Bu biz yosh avlod uchun ham farz, ham qarzdir!
Vatanga muhabbat tuyg’usi bo’lmaganda edi, yurtlar vayron va zamin talato’p bo’lgan bo’lar edi. Ammo, vayronagarchiliklar shohidi bo’layotgan yerlarni eshitasiz-u, beixtiyor “Bizga, Vatanimizga ko’z tegmasin” - deya duo ham qilishga shoshilasiz. Ne uchunkim, bugunning hali atrofni chuqur anglab ololmagan ba’zi bir gunohkor, nonko’r shu yurt vakillarining o’zga yurt qirg’inbarotiga shoshilib aralashishga ketayotganlarini eshitasiz. Bu zamin ne-ne yovlarga qarshi kurashgan, shahid bo’lib ketgan ota-bobokalonlar ruhi oldida qarzdor. Bugungi kunning nafasini ajdodlarimiz orzu qilib yashaganlarini barchamiz tarix varaqlaridan o’qib bilamiz. Yurtga sodiq har bir farzand bugun qurol ko’tarib urush komida yashayotgan, yo kechirimlilik siyosati orqali pushaymonlik o’tida yonayotgan yurtdoshlar qismatini ko’rib, faryod urgisi kelaveradi. Vatan tushunchasini qalbiga singdirib, dilidagi nafrat –alamni sug’orib, mehr rishtasini qadashni xohlaydi. Ammo, afsuski, barcha birdek mehr tushunchasini tushunmaydi yoki besh barmoq teng emas-da…
“Vatan qadrini vatangado va musofir biladi”-deydi dono xalqimiz. Bobokalonimiz, buyuk imperiya asoschisi Bobur ham ayni shu tuyg’u azobida to o’lgunga qadar birga yo’ldosh bo’ldi. O’z asarida ham bir yurti qovuni isini olish uchun ming azob chekkani to’g’risida to’xtalib o’tiladi. Vatan hamisha o’z tuprog’idan yiroqdagilar uchun qo’l yetmas Mirrix yulduzidek uzoq va nurli issiqlik bilan tortguvchi kuchga ega. Tuningiz osudaligi, uyqungiz va oromingiz osoyishtaligi uchun faqat shukrona keltirguvchi zamon zaylini ne-ne kishilar orzu etmagan va o’zga notinch yerlar orzusi desak mubolag’a qilmaymiz. Vatan qon-qonimizga singgan an’ana , yurak-yurakka qadalgan ezguliklar, nigohlar tub-tubiga jo bo’lgan shukronalik tuyg’usidir. Uning qadrini qadrlashga qaddi tik avlodlar hamisha birgalikda qadam tashlamog’i lozim. Vatan qalbiga monand saf tizilgan yosh avlodning qaddini tik tutib yashamog’iga teng intilguvchi shu zamin doimo baxt nuriga limmo-lim to’lsin.
Vatan bu bizning go’zal bo’stonimiz – O’zbekiston. Sog’inch va mehr qorishgan buyuk ajdodlar kalomida bayon etilgan yurtimiz doimo biz farzandlari uchun jonsarak ona kabi mehribon. O’zbekiston dunyoda yagona va har bir shu yurt farzandiman deguvchilar uchun muqaddas dargoh. Yurtning ertasi yoshlar, jahon minbarida bayrog’imiz hilpirashi uchun hamisha kamarbasta. Qalbi olov bo’layotgan ertaning egasi yosh avlod ezgu orzulari bilan O’zbekiston kuchiga kuch qo’shmoqda. Yurtimiz bugungi kun go’zalligidan yanada ko’rkamlashmoqda, qadamlarini katta va mustahkam tashlab bormoqda. O’zbekiston har soniya kelajagida mehr oshufta bo’lib, navqiron baxt birga abadiy bo’lmog’i uchun intilmoqda. Vatanimiz, O’zbekistonimiz, onajonimiz kabi qadrdon, ko’nglimiz tojidir. Shunday ekan, shu yurt uchun barcha metin yurak bilan qo’rqmay orzular sari intilmog’i va har onni mustahkam poydevor bilan qurmoq uchun dadil odimlamog’i darkor.
Biz yoshlar kuchli, bilimli, sog‘lom hamda yuksak ma’naviyatli bo’lib ulg’ayishimiz, siyratimizda ona xalqimiz va Vatanimizga mehru muhabbatni sarbaland, yurt ravnaqini ta’minlashga hissa qo‘shishni sharaf deb biladigan komil inson sifatida voyaga yetishimiz zarur.
Darhaqiqat,”O‘zbekiston mustaqilligi ona xalqimizga XX asr so‘ngida nasib etgan ulkan tarixiy g‘alaba ekanligini o‘tgan yigirma olti yil isbot etdi. 1991 yil 31 avgustda respublikamiz Mustaqil deb e’lon etildi. Mustaqil taraqqiyot yo‘lini belgilab oldi. O‘zbekiston 250 dan ortiq davlat bilan diplomatik aloqa o‘rnatdi. Birlashgan Millatlar Tashkiloti binosida bayrog‘imiz hilpirab turibdi. O‘zbekiston qadim yurt. Yer yuzidagi birinchi qadimiy qo‘l yozma kitob”Avesto”ning vatani ham bizning mamlakatimiz. Hozir yurtimizda Toshkent, Samarqand, Buxoro, Xiva, Shahrisabz kabi qadimiy obidalarga boy mashhur shaharlarimiz mavjud. Mamlakatimiz hududining kattaligi jihatdan jahonda 55 o‘rinda bo‘lib, 447 ming 400 km/kvni tashkil qiladi. Aholi soni jihatidan 42 o‘rinda turadi, o‘ttiz milliondan ortiq kishi istiqomat qiladi.
Ajdodu avlodlar o‘rtasidagi ma’naviy ko‘prik Mustaqillikning birinchi kunidanoq mamlakatimizda azaliy va avvaliy milliy qadriyatlarimizga, qadimiy madaniy obidalarimizni ta’mirlashga, buyuk allomalarimizning nomlarini qayta tiklashga alohida e’tibor berila boshlandi.Hozir O‘zbekistonda 74 tadan ortiq qadimiy ziyoratgoh mavjud. Ular mamlakatimizda yashab o‘tgan allomalarning nomlari bilan bog‘liq O‘zbekistonda asrlar mobaynida yaratilgan, rivojlantirilgan g‘oyat katta ilm, mo‘jizakor ijodiy mehnat bor. Jahon ilm durdonasiga behisob hissa qo‘shgan buyuk o‘g‘lonlari, o‘z zamonasining sultonlari yashab o‘tgan! Bugungi kunda jahon bo‘yicha ishlatilayotgan 1 dan 9 gacha bo‘lgan raqamlarga nolni kiritib, XX asr fani – kibernetikaga asos solgan olim deyarli 1200 yil avval yashab o‘tgan bizning ajdodimiz – al-Xorazmiy! Algebra fani, mashhur allomaning ismi bilan bog‘liqligi, ya’ni al-Jabr bora-bora algebraga aylanganini, Algaritm so‘zi Al-Xorazmiy so‘zining assimiliatsiyaga uchragan shakli ekanligini va bizning avlod uni o‘qib matematikani o‘rganayotganligini bugungi kunda jahon ahli tan olyapti.
Vatan — uni har kim o‘z tasavvurida turlicha talqin etadi. Kimdir onaga qiyoslasa, kimdir jannatga yana boshqa birov esa o‘z uyiga o‘xshatadi. Nima bo‘lganda ham qiyoslangan barchasi yagona, inson uchun takrorlanmasdir…

Xalima Gʻafforova:
Vatan — tug‘ilgan tuprog‘imiz, bolaligimiz o‘tgan chang ko‘chalar, yaqinlarimiz, ustozlarimiz, do‘stlarimizni har kuni ko‘rish imkoni bo‘lgan muqaddas go‘sha. O‘zbekistonda tug‘ilganmiz — bu eng buyuk baxt. Televizor yoki ijtimoiy tarmoqlar orqali notinch yurtlarni, aholisi ko‘chalarda sarson bo‘layotgan, ayollari, bolalari bir burda nonga zor ellarni ko‘rib, beixtiyor tinchligimizga shukr qilaman. Vatan tuyg‘usini har qadamda his qilaman. har tong osoyishta uyg‘onganimda, oilam bag‘rida salomat yashayotganim — bularning bari yana bir bor Vatanni sevishga, shu yurtning tuprog‘ini e’zozlashga turtki beradi. Ona O‘zbekistonim, jonajon o‘lkam, 30 yoshing muborak. Ilohim doimo gullab, yashnayver!
M.Xodjamatova:
Tuyg‘u — hissiyot tufayli yuzaga keladigan ta’sirchan ruhiy holat. Agar bu “tug‘yon” Vatan tushunchasi bilan uyg‘unlashib ketsa, Vatan tuyg‘usi insonga bir umr hamroh, hamnafas bo‘ladi. Vatanning nomi aytilishi bilan uning bag‘rida o‘tgan va o‘tayotgan damlari hayajonlantirib yuboradi. Shuning uchun ham odamning his-tuyg‘ulari, xotiralari, ma’naviy tarbiyasi, avvalo, faoliyat olib borayotgan “Vatan” bilan bog‘liq.
Masalan, Al-Buxoriy, Termiziy, Boburiylar kabi qalb sururi Vatan tug‘yoniga aylangan buyuk bobokalonlarimizni eslaganimda, beixtiyor ustoz bo‘lganimdan faxrlanaman. Kelajakda ozod Vatan iftixorini kichkina qalbiga jo aylagan shogirdlarim katta ummonga aylanishidan g‘ururlanaman.
Shogirdim, yosh qalamkash, tili Vatan so‘zli satrlarga yo‘g‘rilgan Azizabonu Mamadaliyeva Chust shahar 7-sonli DIMI ijodkor o‘quvchilaridan biridir. Mart oyida Namangan viloyati, Xalq ta’limi boshqarmasining umumiy o‘rta ta’lim maktab o‘quvchilari o‘rtasida o‘tkazilgan “Men muallifman” viloyat tanlovida “Eng yaxshi Vatan haqida yozilgan she’r muallifi” nominatsiyasi g‘olibi bo‘ldi. Iyun oyida esa Yosh ijodkorlar kengashining “DUEL” loyihasi viloyat bosqichida “She’riyat yo‘nalishi bo‘yicha faol ishtirokchi” sifatida taqdirlandi.
Vatanga muhabbat hissi odamning qalbida tabiiy ravishda tug‘iladi. Inson nasl-nasabini, kimligini bilgani sari esa bu tuyg‘u ildiz otadi, yuksalib boradi. Bu ildiz qancha chuqur bo‘lsa, tug‘ilib o‘sgan yurtga muhabbat ham shu qadar cheksiz bo‘ladi.
Vatan-inson tug`ilgan muqaddas zamin.Vatan deganda ota-onalarimiz, avlod-ajdodlarimiz kindik qoni to`kilgan ona yerni tushunamiz.Vatan tushunchasi va unga bo`lgan muhabbat insonga ona suti,ona bag`ri,ona mehr-muhabbati,ona allasi bilan yuragiga jo bo`ladi.
Vatanni qalban chuqur his qilish uchun xalqning vatanparvarlik na`munalarini bilish, uni e`zozlash, qadriga yetish, mustahkamlash kerak.Mana shu tuyg`ular,mana shu go`zal insoniy oliy fazilatlar bugungi erkin kunimiz uchun haqiqiy vatanparvarlik namunasidir.Vatan millat idroki bilan mavjuddir, ya`ni millat Vatanning ustunidir.Faqatgina shu zaminda yashagani uchun emas,balki uni sharaflagani,shuhratga burkagani va ona yerni Vatan bilgani ham unga uyg`undir.
Vatan tuyg`usi – bu o`z xalqini sevish,u bilan faxrlanish,uni hurmat qilish va qadriga yetish deganidir.Vatan tuyg`usi – bu shu aziz yurtni o`zining halol peshona teri bilan obod etgan ajdodlarimizni doimo eslamoq demakdir.Vatan tuyg`usi-bu o`z aqli,idroki bilan jahon taraqqiyotiga ulkan xissa qo`shgan vatandosh buyuk allomalarimiz,mutafakkirlarimiz,xadis va tasavvuf ilmining sultonlarini unutmaslik demakdir.Vatan tuyg`usi-bu ona Vatanimiz ozodligi yo`lida shaxid bo`lgan buyuk ajdodlarimizni yodda tutish demakdir.Vatan tuyg`usi-bu aziz va go`zal yurtimizda yuksak e`tiqod bilan yashash va unga xamisha chin farzand bo`lish demakdir.Ana shunday tuyg`u,hislarga ega bo`lgan inson o`z Vatanini sevmasligi,undan yiroqda bo`lganida uni qo`msamasligi mumkin emas.
Jamiyatni rivojlantirish va davlatni mustahkamlashda milliy g`oyaning o`rni beqiyos.Zotan,bugun eng qudratli deya e`tirof etiladigan AQSH,Angliya,Germaniya,Xitoy,Rossiya,Turkiya,Yaponiya kabi davlatlar siyosati ham milliy g`oya ustiga qurilgan.Shu asnoda,Prezidentimiz bugungi kunda eng global darajaga olib chiqayotgan vatanparvarlik,avvalo,oiladan, maktabdan, qolaversa, biz har kuni muomala qiladigan tildan ozuqa oladi.
Vatanni xalqsiz tasavvur qilish qiyin.Vatanimizni mustaqillikka erishuvida eng muhimi,eng asosiysi-xalqimiz o`zining sabru-matonatini,donishmandligu bag`rikenglikni,mehnatsevarlik fazilati va bunyodkorlik qudratini,begilangan maqsad sari avvalo o`z kuchi va salohiyatiga tayangan holda qatiyat bilan borishga qodir ekanini butun dunyoga namoyon etdi.Vatanparvarlikni yoshlarga singdirishda ma`naviyat,axloq-odob,ma`rifat kabi o`lmas qadriyatlarga suyanmoq kerak. Mana shu uch buyuk qadriyatni xalqimiz asrlar davomida hamisha e`zozlab kelgan. Bizning muqaddas dinimiz ham, butun Sharq falsafasi ham bu qadriyatlarni ulug`lagan, ularni ijtimoiy taraqqiyotining eng muhim shartlari deb bilgan.
Biz ana shu g`oyalarni, qadriyatlarni chuqur anglasak, eng muhimi amaliy harakatimizda namoyon qilolsakkina Vatanga sodiq farzand bo`lishimiz mumkin.Vatan esa ona singari aziz va tanhodir. U bizning ilk va so`nggi aytar so`zimizdir.