O‘zbekiston milliy universiteti horijy filologiyasi fakulteti O‘zbek

O‘ZBEKISTON MILLIY UNIVERSITETI JURNALISTIKA FAKULTETI O‘ZBEK TILSHUNOSLIGI KAFEDRASI Fan: Nutq madaniyati

1-ma’ruza mavzusi:

“Nutq madaniyati” fanining maqsadi, vazifalari. Nutq madaniyatining boshqa sohalar bilan aloqadorligi

 

PhD Israilova Saodat

 

O‘zMU -2022

MA’RUZA REJASI:

• Fanning maqsad, vazifalari. Nutq madaniyati tushunchasi va tarixi.

• Nutq madaniyati va muomala odobi. “Qutadg‘u bilig”, “Hibbatu –ul haqoyiq”, “Qobusnoma”, “Mahbub –ul qulub” kabi asarlarda nutq madaniyati, so‘zlashish odobi masalalari.

• Jamiyat va nutq madaniyati.

Fanning maqsad, vazifalari. Nutq madaniyati tushunchasi va tarixi.

• Nutq madaniyati sohasining boshqa lingvistik va nolingvistik sohalar bilan aloqasi. Nutq madaniyati va notiqlik san'ati.

nutq, til, til madaniyati va nutq madaniyati, notiqlik, pedagogik faoliyat va notiqlik, o‘qituvchi nutqi va nutq madaniyati
.
Hozirgi o’zbek tili fonetik, leksik, grammatik, orfoepik hamda imloviy me’yorlarining shakllanganligi o’zbek tili madaniyatining ulkan yutug’i hisoblanadi. Binobarin, milliy madaniyatning uzviy qismi bo’lmish nutq madaniyati ham ana shunday yuksak darajada bo’lishi maqsadga muvofiqdir. Nutq madaniyati tilshunoslikda o’z o’rnini topishi, mavqeini egallashi uchun, bizningcha, u nazariy jihatdan asoslanishi, uning tekshirish obyekti, muammolari, ilmiy uslubi, amaliy ahamiyati singari masalalar aniqlashtirilishi zarur.

Nutq madaniyati kursining maqsadi

Ommaning umummadaniy saviyasini yuksaltirishga hissa qo’shish, shu bilan birga, maktab o’quvchilari va talabalarga nutq madaniyati tarixidan ma’lumot berish, ulkan notiqlar, adiblar, so’z ustalarining nutq madaniyatini rivojlantirish borasida qilgan ishlariga baho berish kishilarda madaniy nutq malakasini shakllantirish: adabiy til, umumtil mezonlariga, mavjud qoidalarga to’la amal qilgan holda nutq tuzish malakasini shakllantirish nutq madaniyati kursining asosiy vazifasidir.