Шахс психологияси ва унинг ёш даврлари

Шахс

Маъруза№1

Тайёрлади: доцент С.Тўйчиева

Индивид, индивидуаллик, шахс

• Индивид – алоҳида олинган одам бўлиб, у ўз ичига биологик, физиологик, ижтимоий ва психик хусусиятларни жамлайди.
• Инсон индивид бўлиб туғилиб, шахс бўлиб шаклланади.
• Индивид бўлиб туғилган инсонни шахсга айланиши учун нималар зарур?
• Бунинг учун қуйидаги шартлар зарур:
• 1. Ижтимоийлик. Инсон шахс сифатида авваломбор ижтимоий шарт-шароитда, яъни инсонлар жамиятида шаклланади.
• 2. Онгга эга бўлиш (атрофдаги билимларни эгаллаш, фаолият мақсадини шакллантириш, муносабатларга ҳис-туйғуларни киритиш).
• 3. Фаоллик, иш фаолиятида олдинга қўйилган мақсадга эришишга йўналганлик.
• 4. Инсоний фаолликка ундовчи нарса эҳтиёждир.

Шахс тушунчасига изоҳ

• «Шахс – ижтимоий муносабатларининг субъекти ва объектидир»
• (А.Г. Ковалёв)
• «Шахс индивидлараро муносабатларнинг субъекти сифатида»
• (А.В. Петровский)
• «Шахс – жамиятда ўз ўрнини англовчи фаолиятга қодир аъзосидир»
• (К.К. Платонов)
• «Шахс – фаолият субъектидир»
• (А.Н. Леонтьев)
• «Шахс – ташқи хатти-ҳаракатларни ўзгартирувчи ички шароитлар йиғиндисидир»
• (С.Л. Рубинштейн)
• Жуда кўплаб таъриф ва тушунчалар орасида америкалик психолог Г. Оллпорт (1897-1967 йиллар)нинг таърифи эътиборга моликдир: «Шахс – бу ҳаёт жараёнида шаклланувчи индивидуал ўзига хос психофизиологик тизимлар – шахс хусусиятлари йиғиндиси бўлиб, у асосида ушбу инсонга хос тафаккур ва ҳулқ-атвор юзага келади».
• Шундай қилиб, шахс – бу жамият аъзоси бўлиб, у индивиднинг психофизиологик тизимининг динамик ташкил этувчиси бўлиб, бу унинг хатти-ҳаракати ва тафаккурини белгилаб беради.

ИНДИВИДУАЛЛИК

• Индивидуаллик – бу инсоннинг ўзига хос индивидуал хусусиятлари бўлиб, улар асосида инсонлар бир-бирларидан фарқ қиладилар.
• «Индивидуаллик – бу ўзига хосликка эга бўлган шахсдир»
• Бу шахсни атрофдагилардан фарқлаб турадиган нарса бўлиб, унга: билиш жараёнлари, ақлининг, ҳис-туйғунинг, ирода, характери, темпераменти, қобилияти ва бошқа хусусиятларни ўзига хосли иш фаолиятида намоён бўлиши киради. У инсонни ижодий қобилиятлари, уни ижтимоий фаоллиги, оригиналлиги ва ҳ.к.ни намоён қилишга имкон беради.
•  
• Ковалёв А.Г. “Психология личности”. М.: 1970, стр. 20.