Kardiotonik zatlar degenimiz ne ha’m olarg’a qaysi’ zatlar kiredi?
|
Kardiotonik zatlar –bul o’tkir ha’m sozi’lmali’ ju’rek jetispewshiliginde qollni’latug’i’n, miokardti’n’ qi’sqari’w ku’shin asi’rtug’i’n da’rilik zatlar topari’.
Kardiotonik zatlarg’a kiredi:
-ju’rek glikozidleri
- glikozid emes du’zilistegi zatlar;
Kardiotonik zatlardi’n’ ta’sir mexanizmi boyi’nsha klassifikatsiyasi’:
Kletka ishinde Sa+ ionlari’ni’n’ mugdari’n asi’ri’wshi’lar:
1. Na+, K+-ATFaza ingibitorlari’:
Ju’rek glikozidleri:
Digoksin, Selanid, Strofantin, Korglikon
2. s AMF mug’dari’n asi’ri’wshi’lar
A. β1-adrenoretseptorlardi’ kozg’ati’wshi’lar :
Dofamin Dobutamin
B. Fosfodiesteraza III-ingibitsiyalawshi’lar:
Amrinon Milrinon
Sa ionlari’na miofibrillalardi’n’ seziwshen’ligin asi’ri’wshi’ zatlar:
Levosimendan
|
Ju’rek glikozidleri degenimiz ne ha’m oni’n’ ximiyali’q du’zilisi?
|
Ju’rek glikozidleri (JG) - o’simliklerden ali’natug’i’n, ku’shli kardiotonik ta’sir ko’rsetetug’i’n zatlar. Olar
- miokardti’n’ iskerligin asi’radi’
- ju’rektin’ ku’shin tejep islewin ta’miyinleydi (ekonomlap)
- ju’rektin’ effektiv iskerligin asi’radi’.
IBS, miokardti’n’ ha’r-qi’yli’ etiologiyadag’i’ jaraqtlani’wi’nda, ju’rek ritminin’ buzi’li’wi’nda kelip shi’g’atug’i’n ju’rek jetispewshiliginde qollani’ladi’.
JG ximiyali’q du’zilisi: qantsi’z –aglikon ha’m qantli’ – glikon bo’liminen turadi’. Aglikon – bo’limi steroid (siklopentapergidrofenantren) du’ziliske iye boli’p, toyi’nbaan lakton saqi’yna menen baylani’sqan boladi’. Ol tiykari’nan kardiotonik ta’srdi tamiyinleydi.
Glikon-bo’limi ha’r-qi’yli’ qantlardan: D-ramnoza, D-glyukoza, D-simaroza, D-digitoksoza dan turadi’. JG molekulasi’nda 1-4 ke shekem qantlar tutadi’. Bul bo’lim glikozidlerdin’ eriwshen’ligin, toqi’malardag’i’ fiksatsiyasi’n, aktivligin ha’m za’ha’rligin ta’miyinleydi.
|
