Tema: Ósimlikler dúnyası Reje

TEMA: Ósimlikler dúnyası
Reje:
1. Ósimlikler dúnyası haqqında túsinik.
2. Ósimliklerdiń hár túrliligi.
3. “Klaster”, “T-sxema” metodları.
Ósimlikler – tiri organizmler dúnyası, fotosintez qılıw qásiyetine iye bolǵan avtotrof organizmler bolıp esaplanadı. Kletka qabıǵı ádette, qalıń sellyulozadan, azıqlıq zatları kraxmaldan ibarat. Ayırım ósimlikler (saprofitler,parazitler) ushın tán bolǵan getotrof azıqlanıw ekilemshi esaplanadı. Ósimliklerge tán bolǵan qásiyetler barlıq ósimliklerge tiyisli emes. Bir kletkalı ósimliklerdiń basqa bir kletkalı organizmlerden tiykarǵı parqı – xloroplastlardıń bolıwı. Dúzilis dárejesi artqan sayın ósimlikler menen basqa organizmler ortasındaǵı parq ta artadı.
Ózbekstan ósimlikler dúnyası kóp túrli bolıp, xalıq xojalıǵında ayrıqsha áhmiyetke iye. Sońǵı jıllarda Ózbekstan FA Botanika institutında alıp barılǵan izertlewlerdiń nátiyjelerine kóre, úlkemizde 166 toparǵa tiyisli 4500 ge jaqın ósimlik túrleri bar ekenligi málim boldı. Bulardıń kópshiligi kapustalılar, jalpızlılar, soralılar, lalatárizliler, piyazbaslılar sıyaqlı iri wákillerden ibarat.
Ósimlikler arasınan tuqımlı ósimlikler tiykarınan, gúlli ósimlikler úlken áhmiyetke iye. Tuqımlı ósimliklerden azıq-awqat, kiyim-kenshek, janılǵı, qurılıs materialları hám basqalar alınadı.
I.Tapsırmalar.
1. “Klaster” metodı járdeminde ósimliklerden qanday ónimler alınatuǵınlıǵın, qanday zatlar islep shıǵarıw múmkin ekenligin jazıń.

2.“T-sxema” metodı arqalı azıqlıq ósimlikler hám dárilik ósimliklerdi ajıratıp jazıń.

T-sxema
Azıqlıq ósimlikler	Dárilik ósimlikler

II.Bilimdi tekseriw ushın sorawlar.

1. 
   Ósimliklerdiń kletka qabıǵı nelerden ibarat?
   
2. 
   Ózbekstanda ósimliklerdiń neshe túri bar?
   
3. 
   Tuqımlı ósimliklerden qanday ónimler alınadı?
   

Paydalanılǵan ádebiyatlar:

1. 
   O’zME. O’n ikkinchi jild. Toshkent, 2000-yil.
   
2. 
   Vent F.U., V mire rasteniy, M., 1972.