Toshkent shahar hududiy boshqarmasi competition promotion and consumer protection committee of the republic of uzbekistan

O‘ZBEKISTON RESPUBLIKASI RAQOBATNI RIVOJLANTIRISH V A ISTE’MOLCHILAR HUQUQLARINI HIMOYA QILISH QO‘MITASINING TOSHKENT SHAHAR HUDUDIY BOSHQARMASI

COMPETITION PROMOTION AND CONSUMER PROTECTION COMMITTEE OF THE REPUBLIC OF UZBEKISTAN TASHKENT CITY DEPARTMENT

100060, Toshkent sh., A.Temur shoh ko‘chasi, 31-uy, Tel.: [phone] e-mail: [e-mail], [e-mail] www.antimon.gov.uz

2 023-yil “ 11 ” may 03/06-3781-son

	Fuqaro Y.V.Pimonova Mirobod tumani, Qo’yliq-4, 6-uy, 23-xonadon.
Nusxasi:	Raqobatni rivojlantirish va Iste’molchilar huquqlarini himoya qilish qo’mitasiga

O‘zbekiston Respublikasi Raqobatni rivojlantirish va Iste‘molchilar huquqlarini himoya qilish qo‘mitasida 27.04.2023 yilda 3353-PQF/23-14-2sh-son bilan ro‘yxatga olingan murojaatingizda qayd etilgan holatlar yuzasidan, “Veolia Energy Tashkent” MCHJ XKni jalb etgan holda o‘rganib chiqildi va quyidagilar aniqlandi.

Ma’lum bo‘lishicha, 2019-yil 1-mayda Siz bilan tuzilgan “Xonadon egasiga issiqlik energiyasi yetkazib berish va unga haq to‘lash to‘g‘risida”gi 01000078617-sonli shartnomaga muvofiq, isitish tizimi uchun 51,93 m² isitish maydoni va issiq suv ta’minoti bo‘yicha (IS IHA) issiq suvni individual hisobga olish uskunasining ko‘rsatgichi asosida hisob yuritilayotganligi, shuningdek hujjatlar asosida 51,93 m² isitiladigan maydondan kelib chiqib, isitish uchun 01.05.2019 yildan boshlab hisob-kitoblarga o’zgartirishlar kiritilganligi va 01.05.2023 yil holatiga xonadon manzilingiz bo’yicha 255 m³ ko’rsatkichlarni hisobga olgan holda, issiqlik energiyasi va issiq suv ta’minoti uchun 29 299,38 so’m miqdorida oldindan to’lov mavjudligi hamda Siz bilan jamiyat xodimi telefon orqali bog’lanib, barcha masalalar bo’yicha batafsil tushuntirishlar berilganligi va ushbu haqida dalolatnoma rasmiylashtirilganligi to’g’risida, “Veolia Energy Tashkent” MCHJ XKning 2023-yil
8-maydagi 16-09/273-sonli javob xati taqdim etildi.
Ta’kidlab o’tish joizki, O’zbekiston Respublikasi Vazirlar Mahkamasining
15.07.2014 yildagi 194-sonli Qarori bilan tasdiqlangan “Ko’p kvartirali uylarda issiqlik ta’minoti xizmatlari ko’rsatish qoidalari”ning 86-bandida quyidagilar belgilangan:
- yuz bergan o‘zgarishlar (egasi, odamlar soni, maydon o‘zgarishi, turar joy fondidan noturar joy fondiga va noturar joy fondidan turar joy fondiga aylantirish) paytidan (kunidan) boshlab 10 ish kunidan kechikmay issiqlik ta’minoti xizmatlaridan foydalanish shartnomasi shartlari o‘zgarganligi to‘g‘risida Yetkazib beruvchini o‘z vaqtida xabardor qilish.
Yuqoridagilar hamda Oʼzbekiston Respublikasi “Jismoniy va yuridik shaxslarning murojaatlari toʼgʼrisida”gi Qonunining 33-moddasi talablaridan kelib chiqib, mazkur javob xatidan eʼtirozingiz boʼlgan taqdirda, belgilangan tartibda yuqori turuvchi organ yoki sudga murojaat qilish huquqiga ega ekanligingiz tushuntiriladi.
Boshliq o‘rinbosari S.Sadikov


Ijrochi: M. Jumaniyazov. Tel: [phone]