27. Инвойсларда қандай асосий маълумотлар бўлиши керак?
хўжалик юритувчи субъектнинг номи ва унинг реквизитлари;
хорижий шерикнинг номи ва унинг реквизитлари;
инвойс суммаси;
хўжалик юритувчи субъектнинг идентификация рақами (СТИР);
товарлар (ишлар, хизматлар) номи;
товарлар (ишлар, хизматлар)нинг ўлчов бирлиги;
товарлар (ишлар, хизматлар) миқдори;
товарлар (ишлар, хизматлар) нархи;
товарлар (ишлар, хизматлар)ни етказиб бериш қиймати;
«Инкотермс» бўйича етказиб бериш шартлари; ташиш тури. Инвойслар хўжалик юритувчи субъектнинг имзоси билан тасдиқланиши керак.
28. Валюта операцияларида қандай тўлов турлари мавжуд?
Тўлов топшириқномаси (инвойс), импорт ва экспорт аккредитивлар, йўл чеки, инкасса топширқномаси, кафолатлар ва бошқалар.
29. Халқаро тўловлардаги аккредитив тўлов тури қайси қоида асосида ишлайди?
(USP 600) қоидаси асосида ишлайди.
30. Инкотермс деганда нимани тушунасиз?
Инкотермс-бутун дунёдаги ҳукумат органлари, юридик компаниялар ва бизнес вакиллари томонидан халқаро савдода энг кўп қўлланиладиган атамаларнинг талқини сифатида эътироф этилган халқаро қоидалар.
§ Кичик бизнесни ривожлантириш бўйича
саволлар ва жавоблар
1. Банкнинг ўз маблағлари ҳисобидан ипотека кредити қайси мақсадлар учун ва қанча муддатга ажратилади?
Банкнинг ўз маблағлари ҳисобидан ипотека кредитлари бирламчи ва иккиламчи бозорда якка тартибда қурилган уй-жойни ёки кўп квартирали уйдаги квартирани сотиб олиш учун ажратилади.
Ушбу мақсадларга кредитлар 1 йиллик имтиёзли давр билан 10 йил муддатгача ажратилади.
2. Банкнинг ўз маблағлари ҳисобидан ажратилаётган ипотека кредитининг бошланғич бадали ҳамда кредитнинг энг кўп миқдори қанча қилиб белгиланган?
- бирламчи ва иккиламчи бозорда кўп квартирали уйлардан сотиб олинадиган квартира учун базавий ҳисоблаш миқдорининг 2 500 баробаригача;
- якка тартибда уй-жой сотиб олиш учун базавий ҳисоблаш миқдорининг
3 000 баробаригача.
Банкнинг ўз маблағлари ҳисобидан бериладиган ипотека кредити миқдори сотиб олинадиган уй-жой қийматининг 75 фоизидан ошиши мумкин эмас, қарз олувчи сотиб олинаётган уй-жой қийматининг 25 фоизи миқдоридаги дастлабки бадал маблағига эга бўлиши лозим.
Do'stlaringiz bilan baham: |
