Ҳ и к м а т л а р ўзбекистон президенти ислом каримовнинг ҳикматли сўзларидан

Ҳ И К М А Т Л А Р

ЎЗБЕКИСТОН ПРЕЗИДЕНТИ ИСЛОМ КАРИМОВНИНГ ҲИКМАТЛИ СЎЗЛАРИДАН:

• 
  Ватаним нима берди деб эмас, балки мен Ватанимга нима бера олдим, унинг тинчлиги, фаровонлиги, келажаги йўлида нима иш қилдим, дея яшаш керак.
  

• 
  Мустақиллик нафақат ўзини эркин сезиш, ўз ҳаётини қуриш, балки ўз ҳаёт-мамотини ҳал этишда катта хуқуққа эгалик ҳам демакдир …
  

• 
  Миллий ғурурни, миллий тафаккурни уйғотадиган, ҳалқни-ҳалқ, миллатни-миллат қиладиган мустақилликдир.
  

• 
  Адолат ва ҳақиқат ғояси ижтимоий ҳаётимизнинг барча соҳаларини қамраб олмоғи даркор.
  

• 
  Адолат ва ҳақиқат ғояси қонунчилик фаолиятимизнинг замини, бош йўналиши бўлмоғи шарт.
  

• 
  Маънавият - инсоннинг ҳалқнинг, жамиятнинг, давлатнинг куч-қудратидир. У йўқ жойда ҳеч қачон бахт-саодат бўлмайди.
  

• 
  Маърифат - маънавиятга олиб келадиган йўл. Бугун қилаётган яхши ишларимиз келгуси авлод баркамоллиги учун хизмат қилиши шубҳасиз. Бугун қандай кўчат эксак, эртага шундай мева оламиз.
  

• 
  Миллий мафкура - миллатни бирлаштирувчи байроқдир.
  

• 
  Миллий мафкура воситасида элу юрт бирлашади, ўз олдига буюк мақсадлар қўяди ва уларни адо этишга қодир бўлади. Миллатнинг, ҳалқнинг ҳамжиҳатлиги эса ҳар қандай тараққиётнинг гаровидир.
  

• 
  Маърифатга интилиш ҳалқимизнинг азалий фазилатларидан биридир.
  

• 
  Ҳар қандай миллатнинг равнақи, умумбашарият тарихида тутган ўрни, мавқеи ва шуҳрати бевосита ўз фарзандларининг ақлий ва жисмоний етуклигига боғлиқдир.
  

• 
  Ақлий заковат ва руҳий маънавий салоҳият маърифатли инсоннинг икки қанотидир.
  

• 
  Биз ўз истеъдодли, фидоий болаларимиз, фарзандларимизга билим ва касб чуққиларини забт этиши учун қанот беришимиз керак.
  

• 
  Келажаги буюк давлат энг биринчи навбатда бўлажак фуқароларининг маданияти, маълумоти ва маънавияти хақида ғамхўрлик қилмоғи зарур.
  

• 
  Билимга чанқоқ, истеъдодли ёшларни топиб, уларни Ватанга фидойи инсонлар қилиб тарбиялаш муқаддас вазифадир.
  

• 
  Ёшларга миллий ватанпарварлик руҳида таълим-тарбия бериш бугунги куннинг жиддий вазифаларидан ҳисобланади.
  

• 
  Ғояга қарши фақат ғоя, фикрга қарши фақат фикр, жаҳолатга қарши фақат маърифат билан бахсга киришиш, олишиш мумкин.
  

• 
  Маънавият, маърифат, маданият ҳалқ эҳромидаги олтин нуқтадир.
  

• 
  Маънавият - юксаклик пойдеворидир.