& Tildin` ja`miyetlik xιzmeti

Is qag`azlarιnιn` stili
Is qag`azlarι ekinshi at penen ra`smiy hu`jjetler dep te ataladι. Is qag`azlarιna ma`mleketlik joqarι organlarda ha`m adamlar arasιnda o`z-ara qatnas, is ju`rgiziw quralι bolg`an jazba hu`jjetler , qatnas qag`azlarι ha`m t.b kiredi.
Qaraqalpaq a`debiy tili is qag`azlarιnιn` prozalιq ta`rrizdegi bir neshe tu`rlerine iye. Ma`selen, ha`zirgi waqιtta is qag`azlarιnιn` nιzam, pa`rman, sha`rtnama, kelisim, ma`limlemeler, qa`wli, deklaratsiya, protokol, qarar, shaqιrιqlar, xabarlar, buyrιq, o`ndirislik minezleme, o`mirbayan, arza, xabarlama, mag`lιwmatnama, akt, qatnas qag`az, jollamalιq gu`walιq, isenim xat, shaqιrιw xat, dag`aza, telegramma ha`m t.b tu`rleri kiredi.
Is qag`azlarι stillik jaqtan o`zine ta`n o`zgesheliklerge iye boladι. Olardι du`ziwshi so`zlerdin` quramι ga`plerdin` du`zilisi ha`mmesinde birdey emes. Ma`selen, arza, xabarlama, isenim xat, akt, buyrιq, shaqιrιw xat, qatnas qag`azι, pa`rman, mag`lιwmatnama, telegramma t.b is qag`azlarιnda qollanιlatug`ιn so`zler, so`z dizbekleri ha`m geypara sintaksislik konstruktsiyalar a`debiy tildin` normalarιna ιlayιq standart tu`rinde qollanιladι. Mιs: Miynet qaharmanι atag`ι berilsin, buyιraman, qarar etedi, islegen jerine ko`rsetiw ushιn beriledi, biz to`mendegi qol qoyιwshιlar … akt mazmunι to`mendegishe, bildiredi, xabarlaydι, qabιl etedi t.b
Is qag`azlarιnιn` bkl atalg`an tu`rleri ko`lemi ha`m mazmunι jag`ιnan qιsqa boladι, aytιlajaq pikir anιq bayan etiledi. Is qag`azlarιnιn` ekinshi tu`ri ko`lemi ha`m mazmunι jag`ιnan biraz ken` boladι. olarda qolanιlatug`ιn so`zler ha`m ga`pler du`zlisi jag`ιnan standart tu`rde bolmaydι. Olarda mazmun talabιna ιlayιq siyasiy, publistikalιq so`zler ken` qollanιladι. Is qag`azlarιnιn` bul tu`rine joqarι ma`mleketlik hu`jjetler , nιzamlar, rejeler, sha`rtnamalar, deklaratsiya, protokol, shaqιrιqlar, kelisimler, ustavlar, mag`lιwmatnama, kodeksler, hu`kimetlik xabarlar kiredi.