1 -мавзу назарий механика фани, мақсади ва вазифалари. Статиканинг асосий тушунчалари

1 – маъруза машғулоти

1 -МАВЗУ

Назарий механика фани, мақсади ва вазифалари. Статиканинг асосий тушунчалари.

Маъруза машғулотини олиб бориш технологияси
(машғулот модели)

Ўқув соати -2соат	Талабалар сони:
Ўқув машғулоти шакли	Маъруза машғулоти
Маъруза машғулоти режаси:	1.Назарий механика фанига кириш 2.Статика қисмига таъриф 3.Статиканинг асосий тушунчалари
Ўқув машғулотининг мақсади:Назарий механика фани хақида тушунча бериш, статика бўлими ва унинг асосий тушунчалари билан таништириш
Педагогик вазифалар:	Ўқув фаолиятининг натижалари:
1. Назарий механика фани хақида тушунча бериш.	Назарий механика фани ва унинг вазифалари ҳақида билимларга эга бўлади.
2. Назарий механика фанининг статика қисмига таъриф бериш	Статика қисмининг вазифалари билан танишадилар.
3. Статиканинг асосий тушунчалари билан таништириш	Статиканинг асосий тушунчалари билан танишадилар.
Ўқитиш воситалари	Маъруза матни, доска
Ўқитиш усуллари	“Ақлий ҳужум”, маъруза
Ўқитиш шакллари	Фронтал
Ўқитиш шароити	Техник воситалар билан таъминланган аудитория
Мониторинг ва баҳолаш	Оғзаки саволлар

“Назарий механика фани, мақсади ва вазифалари Статиканинг асосий тушунчалари” мавзусининг технологик харитаси

Иш босқичлари	Ўқитувчи фаолиятининг мазмуни	Тингловчи Фаолиятининг мазмуни
1-босқич Кириш (10 мин)	1.1.Маъруза машғулоти мавзуси, режаси билан таништиради 1.2.”Ақлий ҳужум” ўтказиб, мавзуга оид бўлган асосий тушунчаларнинг тегишли фанлардан эсга туширади (1-илова)	Тинглайдилар Тинглайдилар, жавоб берадилар.
2-босқич Асосий бўлим (60 мин)	2.1. Мавзу мазмунини очиб беради (2-илова)	Ёзадилар ва эшитадилар.
3-босқич Якунловчи (10 мин)	3.1.Маъруза бўйича якунловчи хулоса чиқаради 3.2.Такрорлаш учун саволлар беради. (3-илова)	Бажарадилар Ёзиб оладилар

1-илова
Асосий тушунчалар
Куч, вектор катталик, скаляр катталик, векторнинг модули, моддий нуқта, абсолют қаттиқ жисм, аксиома,теорема, геометрик функциялар.
2-илова
Маъруза 1
КИРИШ
1.УМУМИЙ МУЛОХАЗАЛАР.


Назарий механика - материал жисмларнинг механик ҳаракатини умумий қонунларини ва мувозанатини ўргатадиган фандир. Назарий механика мате-риал жисмларнинг оддий ҳаракати бўлган механик ҳаракатни текширади.
Назарий механика фани олий ўқув юртларида ўтиладиган асосий фан-лардан бири бўлиб, унинг қонунлари материаллар қаршилиги, қурилиш меха-никаси, қурилиш конструкциялари ва иншоотлар зилзилабардошлиги қатор фанлар учун хилма-хил ва мураккаб техника масалаларини ечишда назарий асос сифатида қўлланилади.
Назарий механика фани моддий жисмларнинг бир-бирига кўрсатадиган таъсири ва механик ҳаракатнинг умумий қонунлари хақидаги фандир.
Табиий фанлардан бўлган назарий механика фани материя ҳаракатла-ридан энг соддаси ҳисобланган механик ҳаракатни текширади.
Вақт ўтиши билан моддий жисмларнинг бир-бирларига нисбатан фазода кўчиши механик ҳаракат дейилади. Бу ҳаракат жисмларнинг ўзаро таъсир-лашуви натижасида содир бўлади.
Моддий жисмларнинг мувозанати механик ҳаракатнинг хусусий ҳоли бўлган-лиги сабабли, назарий механикада моддий жисмларнинг бу ҳолати ҳам текши-рилади.
Назарий механика фани, механик масаланинг қандай нуқтаи назардан қўйилишига қараб, уч қисмга: статика, кинематика ва динамикага бўлинади:

• 
  статикада жисмларнинг мувозанати, уларга қўйилган кучларни содда ҳолга келтириш каби масалалари ва жисм оғирлик маркази масалалари билан шуғулланилади;
  
•