1-Amaliy mashg`ulot Mavzu: Pedagogik texnologiyalarning turlari, qo’llanish darajalarini aniqlash. Darsning maqsadi

Muammoli ta`lim deb, o`qituvchi tomonidan pedagogik ta`sir ko`rsatishning eng muqobil varianti yordamida, fikr yuritish qonuniyatlariga tayangan holda, o`quvchilarning bilimlarni o`zlashtirish jarayonida fikrlash qobiliyatini rivojlantirish va bilish ehtiyojini qondirish maqsadiga yo`naltirilgan, shaxsning umumiy va maxsus rivojlanishiga zamin tayyorlaydigan jarayonga aytiladi.
Muammoli darslarni keyingi yillarda yangi nom bilan (“Tafakkur bo`roni” B.R.Qodirov), (“Miyaga hujum”, “Fikrlar to`qnashuvi”, “Fikrlar jangi” V.M.Karimova, F.A.Akramova), (“Aqliy hujum” J.G.Yuldoshev) nomlash rasm bo`ldi.
Muammmoli dars (“Aqliy hujum”) quyidagi bosqich asosida tashkil etiladi:
I – bosqich. Psixologik jihatdan bir-biriga yaqin bo`lgan o`quvchilardan teng sonli kichik guruhlarni shakllantirish.
II – bosqich. Kichik guruhlarga muammoli savollardan iborat bo`lgan o`quv tоpshiriqlаrini tаrqаtish vа ulаrni tоpshi­riq­ning didаktik mаqsаdi bilаn tаnishtirish.
III – bosqich. O`quvchilarning bilish faoliyatini o`quv muammolarini hal etishga yo`naltirish.
IV – bosqich. O`quvchilarning muammoli vaziyatlarni hal etish bo`yicha axborotlarini tinglash.
V – bosqich. Kichik guruhlar o`rtasida o`quv bahsi va munozara o`tkazish
VI – bosqich. Umumiy xulosa yasash.
Modulli ta`lim texnologiyasi modullarga asoslanadi. Modul lotincha so`zdan olingan bo`lib, qism (blok) degan ma`noni bildiradi.
Biologiyani o`qitishda modulli ta`lim texnologiyalaridan foydalanishda darsda foydalaniladigan mavzu mantiqiy tugallangan fikrli qismlar, ya`ni modullarga ajratiladi va har bir qismni o`quvchilar mustaqil o`zlashtirishlari uchun o`quv topshiriqlari tuziladi. Shu o`quv topshiriqlari asosida, har bir modul yakunida savol-javob o`tkaziladi va xulosa chiqariladi.
Modul dasturining didaktik maqsadini aniqlashda o`qituvchi biologiyani o`qitishning didaktik maqsadlar majmuasi (DMM), ya`ni biologiyani o`qitishdan ko`zda tutilgan maqsadni, mavzuning ta`limiy, tarbiyaviy va rivojlanti­ruv­chi maqsadlari asosida, darsda foydalaniladigan modul dasturining didaktik maqsadi (MDM)ni, mavzu ajratilgan modullardan kelib chiqadigan xususiy didaktik maqsadni (XDM)ni aniq tasavvur qilishi zarur.
Hamkorlikda o`qitishning asosiy g`oyasi o`quv topshiriqlarni nafaqat birgalikda bajarish, balki hamkorlikda o`qishni o`rganishdir.
MDM – modul dasturining didaktik maqsadi - bu bir dars davomida erishilishi lozim bo`lgan maqsad,
XDM - xususiy didaktik maqsad bu - modul dasturidan o`rin olgan modullarni o`rganishdan ko`zlangan maqsadlar deb tushunmoq kerak.
-Hamkorlikda o`qitish har bir o`quvchini kundalik qizg`in aqliy mehnatga, ijodiy va mustaqil fikr yuritishga o`rgatish, shaxs sifatida ongli mustaqillikni tarbiyalash, har bir o`quvchida shaxsiy qadr-qimmat tuyg`usini vujudga keltirish, o`z kuchi va qobiliyatiga bo`lgan ishonchni mustahkamlash, tahsil olishda ma`suliyat hissini shakllantirishni ko`zda tutadi.
Hamkorlikda o`qitish texnologiyasi har bir o`quvchining tahsil olishdagi muvaffaqiyati guruh muvaffaqiyatiga olib kelishini anglagan holda muntazam va sidqidildan aqliy mehnat qilishga, o`quv topshiriqlarini sifatli bajarishga, o`quv materialini puxta o`zlashtirishiga, o`rtoqlariga hamkor bo`lib, o`zaro yordam uyushtirilishiga zamin tayyorlaydi.