1. Analitik ximiya páni hám oniń metodlari. Analitik ximiya pániniń awil xojaliq pánleri menen baylanisliǵi

Sipat analizi usillari. Tekserilip atirǵan zattiń muǵdari yamasa kólemine kóre analiz usillari: makro-, yarim-mikro-, mikro-, hám ultramikro usillarina bólinedi:

• 
  Makro usilda reaksiya ótkeziw ushin 1-10 gr qurǵaq zat yamasa 10-100 ml eritpe alinadi. Reaksiyalar apiwayi probirkalarda alip bariladi, payda bolǵan shókpeler filtrlew arqali ajratiladi, juwiladi hám aniqlanadi.
  
• 
  Yarim-mikro usilda reaksiya alip bariw ushin 0.05-0.5 gr qurǵaq zat yamasa 1-10 ml eritpe alinadi. Reaksiyalar túbi kishreytirilgen probirkalarda tamshi usillarinda ótkeziledi. Shókpelerdi eritpelerden ajratiw ushin sentrafugalardan paydalaniladi.
  
• 
  Mikro usilda analiz alip bariw ushin 0.001-10^-6 gr qurǵaq zat yamasa 0.1-1 ml eritpe alinadi. Reaksiyalar óz aldina arnalǵan probirkalarda ótkeziledi.
  
• 
  Ultra-mikro usilda analiz alip bariw ushin 10^-6-10^-9 gr qurǵaq zat yamasa 10^-4-10^-6 ml eritpe alinadi.
  

Keltirilgen usillardan yarim - mikrousilda hám aniq nátiyjeler aliw mumkin. Soniń ushin tekserilip atirǵan zatti sipat jaqtan ximiyaliq analiz islewde tiykarinan yarim - mikro usil isletiledi.