Бухгалтерия ҳисобининг мақсади – ахборотдан фойдаланувчиларни ўз вақтида, тўлиқ ҳамда аниқ молиявий ва бошқа бухгалтерия ахборотлари билан таъминлашдир. Бухгалтерия ҳисобининг мақсади – ахборотдан фойдаланувчиларни ўз вақтида, тўлиқ ҳамда аниқ молиявий ва бошқа бухгалтерия ахборотлари билан таъминлашдир. Бухгалтерия ҳисоби ёрдамида - хўжаликда мавжуд бўлган ҳар хил турдаги моддий қийматликлар ва пул маблағларининг миқдори, бошқа корхона ҳамда ташкилотлар билан ҳисоб-китобларнинг ҳолати, ундаги бошқа ресурсларнинг умумий ҳажми ҳақида маълумотлар олинади;
- тайёрланган материаллар, ишлаб чиқарилган ва сотилган маҳсулот ҳажми ҳамда таннархи аниқланади;
- хўжалик фаолиятининг молиявий натижалари — фойда ёки зарар ҳисоблаб чиқилади;
- корхонанинг рентабеллиги ҳамда корхона ва унинг таркибий қисмларининг бошқа қатор кўрсаткичлари ҳисоблаб аниқланади.
“Бухгалтерия ҳисоби тўғрисида”ги Ўзбекистон Республикаси Қонунининг 6-моддасига кўра
Бухгалтерия ҳисоби субъектлари
давлат ҳокимияти ва бошқаруви органлари, Ўзбекистон Республикасида рўйхатга олинган юридик шахслар, уларнинг Ўзбекистон Республикаси ҳудудида ҳамда ундан ташқарида жойлашган шўъба корхоналари, ваколатхоналари, филиаллари ва бошқа таркибий бўлинмалари ҳисобланади.
“Бухгалтерия ҳисоби тўғрисида”ги Ўзбекистон Республикаси Қонунининг 7-моддасига кўра
Бухгалтерия ҳисоби объектлари
активлар, мажбуриятлар, хусусий капитал, захиралар, даромадлар, харажатлар, фойда, зарарлар ва уларнинг ҳаракати билан боғлиқ хўжалик операциялари ҳисобланади.
Бухгалтерия ҳисоби объектлари синтетик ва аналитик ҳисобларда юритилади.
Бухгалтерия хисобининг вазифалари
бухгалтерия ҳисоби счетларида активларнинг ҳолати ва ҳаракати, мулкий ҳуқуқлар ва мажбуриятларнинг ҳолати тўғрисида тўлиқ ва ишончли ахборотларни шакллантириш
самарали бошқарув мақсадида бухгалтерия ҳисоби маълумотларини умумлаштириш
молиявий, солиққа доир ва бошқа ҳисоботларни тузишдан иборат. (Ўзбекистон Республикасининг “Бухгалтерия ҳисоби тўғрисида”ги қонуни, 2-модда.
Do'stlaringiz bilan baham: |
