1. Kasbiy pedagogika fanining ob’ekti va maqsadi, vazifalarini izohlang!

2.Таълимда «инновацион жараёнлар» термини нимани англатади? Замонавий инновацион технологияларни амалиётга жорий этиш жараёнида талимнинг сифат-самарадорлигини орттириш юзасидан тавсиялар ишлаб чиқиш. Бугунги кунда мамлакатимизда таълимни ривожлантириш йўлида кўплаб олимларимиз педагогика соҳасига ўз эътиборларини қаратмоқдалар. Бу ўринда олимларимиз педагогик соҳага инновацион жараёнларни олиб кирмоқдалар. Бу жараён дастлаб ХХ асрнинг 30 йилларида АҚШда «фирма инновацион сиёсати», «инновацион жараён» атамалари кўринишида пайдо бўлди. 1960-1970-йилларда ғарбда фирмалар ва бошқа корхоналар амалга оширган янгиликлар эмпирик тадқиқотларга кенг қулоч ёяди. Инновацион жараён инновацияларни вужудга келтириш, амалиётга татбиқ этиш ва оммалаштириш фаолиятлари билан боғлиқ. Инновацион салоҳиятга кўра янгиликлар; модернизация, фаолиятни такомиллаштириш, шаклан ўзгартириш, ривожлантириш билан боғлиқ бўлган модификацион инновациялар; олдиндан маълум бўлган методлар элементларининг янги тизимга бирикишини назарда тутувчи бириккан инновациялар; ўхшашлик ва умумийликка эга бўлмаган радикал инновациялар ислоҳотларнинг асоси сифатида белгиланади.
Дастлаб бу жараён адабиётларимизда инновация муаммолар кўринишида кўп вақтгача иқтисодий тадқиқотлар тизимида ўрганиб келинган эди. Аммо вақт ўтиши билан жамият ҳаёти фаолиятининг ҳамма соҳаларида инновацион ўзгаришларнинг сифат характеристикаларини баҳолаш муаммоси юзага келади, аммо бу ўзгаришларни фақатгина иқтисодий назариялар билан аниқлаб бўлмайди.
Инновацион жараёнларни ўрганиш учун бошқа йўллар зарур, унда инновацион таҳлил фақатгина фан ва техника эришган замонавий ютуқлардан фойдаланишнигина ўз ичига олмай, балки бошқариш, таълим, ҳуқуқ ва бошқа соҳаларни ҳам қамраб олади. Инновацион педагогик муаммолар ечилишини излаш таълим соҳасида инновацион жараёнлар бориши хусусиятлари, мазмуни, таркиби ва классификациясини текшириш натижаларини таҳлил қилиш билан боғлиқ. Биз бу масалани ёритишдан олдин «Инновация» тушунчаси ва тарихига эътиборни қаратсак мақсадга мувофиқ бўлади.
Илк бор «Инновация» тушунчаси XIX асрда маданиятшунослар ўрганишларида пайдо бўлди ва бир маданият элементларини бошқасига жорий қилиш маъносини билдирган. Унинг бу маъноси ҳозиргача этнографияда сақланиб қолган.
XX аср бошларида ғарбий мамлакатларда янги билим соҳаси - янгиликларни киритиш, қўллаш юзага келди. У маҳсулот ишлаб чиқариш соҳасида техник янгиликларни киритиш қонуниятларини ўргана бошлади. Янгиликларни киритиш ҳақидаги фан - инноватика фирмаларнинг янги режа, хизматларни ишлаб чиқиш ва татбиқ этиш фаолиятига талабалари кескин ошиб бориши акс эттирилган ҳолда пайдо бўлди.
Моҳиятига кўра инновациялар муносабат ёки жараёнга янгилик киритишнинг динамик тизими саналади. Ўз-ўзидан тизим сифатида янгилик киритиш муносабат ёки жараённинг, биринчидан, ички мантиғини, иккинчидан, киритилаётган янгиликнинг муайян вақт оралиғида изчил ривожланиши ва атрофмуҳитга кўрсатадиган ўзаро таъсирини ифодалайди.
Педагогик жараёнга замонавий ёндашув технологияси, янгиликларни ўзлаштириш ва ижодий изланиш ва қўллаш зарурияти илмий йўналиш педагогик инновацияларни амалиётга татбиқ этиш вазифаларини белгилаб берди. Педагогик инновациялар, педагогик технологияни мақсадли йўналтириш жараёнида педагогик неология (янгилик) янгиликнинг педагогик хамкорлик томонидан қабул қилиниши, баҳоланиши ва ўзлаштирилиши муаммоларини ўрганиб ечимини топишга йўналтиради. Бугунги кунда жаҳон педагогик жамоатчилигининг қизиқиши махсус инновацион хизмат, нашриёт, журналларда инновацион мақолалар кўринишида бўляпти.
Ўзбекистонда эса педагогик инновациянинг ривожланиши кенг жамоатчи-педагоглар этиборини тортмоқда. Шунингдек, янгиликларни қўллаш умумийлиги кенгайди. Шу сабабли янги билимларга бўлган талаб, янги «янгилик», «янги инновация», «инновацион жараён» тушунчаларини англаш талаби кун сайин кескинлашмоқда.
«Инновация» инглизча «innovation» сўзидан олинган бўлиб, янгилик киритиш, янгилик маъносини ифодалайди. Шунингдек, бу атама янгидан киритилган тушунчалар, тартиб-қоидалар, технологиялар кўринишида ҳам учрайди. «Инновация» тушунчасини кенгроқ тарзда таҳлил қилиб, қуйидагича талқин этиш ҳам мумкин.
«Инновация» бу мақсадга йўналтирилган ўзгартиришлар бўлиб, маълум ижтимоий бирлик – муассаса, уюшма, жамоа ва гуруҳларга янги ва нисбатан барқарор бўлган элементлар, умумий ҳолда ҳалқнинг маъданий-маънавий муносабатлари ва мамлакатнинг ижтимоий-иқтисодий ривожланиши билан узвий боғлиқ бўлган янгиликларни киритишдир. Янгилик киритишни янгиликни яратиш ва тарқатиш комплекс ва мақсадга мувофиқ жараёни сифатида қараб, унинг мақсади инсон талаб ва эҳтиёжларини янги воситалар билан қондириш бўлиб, бу самарадорлиги, мунтазам ва ҳаётийлигини таъминловчи услуб ва тизимларнинг маълум сифатли ўзгаришига олиб келади. Фан, таълимга умуман ижтимоий соҳаларга янгилик киритиш ички мантиқ ва йўналишларга эга бўлиб, у янгилик ғояси (фикрни) туғилишидан то унинг фойдалана бошланишигача бўлган ҳаракатларни ривожлантириш ҳам инновацион жараён иштирокчилари ўртасидаги муносабат мантиғини ифодалайди. Янгилик киритиш динамик тизим бўлиб, ички мантиқ каби вақт давомида қонуний ривожланиши, унинг атроф-муҳит билан ўзаро боғлиқлигини ифодалайди. Инновацион жараён тузилиши янгиликнинг бир босқичидан иккинчи босқичига ўтиб бориши билан ўзгариб боради. Шу билан бирга янгиликнинг динамик хусусиятларидан унинг натижа-якуни ва самараси боғлиқ бўлади. Янгиликнинг якунлаганлиги ёки унинг имкониятлари амалга оширилганлик даражаси инновацион жараённинг ҳамма босқичлари қанчалик муваффақиятли ўтиб боришига боғлиқ бўлади.