1 laboratoriya ishi. Laboratoriya ishlarini bajarishda ishlatiladigan asboblar bo‘yicha umumiy ko‘rsatmalar va kimyoviy laboratoriyalarda ishlash texnika xavfsizligi qoidalari

1.2. Asosiy qoidalar 

 

Kimyoviy laboratoriyada ishlashda amal qilinishi lozim bo‘lgan asosiy qoidalar: 

          Asosiy  qoida  -  kimyo  laboratoriyasidagi  barcha  tajribalarni  oq  xalat    kiygan 

holda bajarish; 

1. Ishning asosiy maqsadi aniq bo‘lmasdan, tajribani o‘tkazish uchun lozim bo‘lgan   

    idishlar, asbob- uskunalar, reaktivlar tayyor bo‘lmasdan tajribani boshlamaslik; 

2. Tajribani o‘tkazishda ko‘rsatilgan tartib va ketma-ketlikni aniq bajarish; 

3. Ayni tajriba uchun ko‘rsatilgan barcha xavfsizlik qoidalariga rioya qilish; 

4. Ayni laboratoriya ishlari uchun tayyorlangan reaktivlardangina foydalanish.   

    Umumiy qo‘llanadigan  reaktivlarni, konsentrlangan kislota va ishqorlarni ish   

    joylariga olib ketmaslik; 

5. Reaktivlarni ishlatishdan oldin uni ayni tajriba uchun ishlatish mumkinligini   

    idishdagi yozuvga  qarab aniqlash; agar idishda yozuv bo‘lmasa o‘qitivchining  

    ruxsatisiz ishlatmaslik; 

6. Ayni tajriba uchun reaktiv miqdori ko‘rsatilmagan bo‘lsa undan imkoniyati boricha  

    kamroq ishlatish; 

7. Ortiqcha olingan reaktivni qaytarib o‘z idishiga quymaslik va uning uchun   

    ajratilgan maxsus idishga quyish; 

8. Reaktiv olingan zahotiyoq uning idishining qopqog‘ini yopib, o‘z o‘rniga qo‘yish; 

9. Quruq reaktivlarni forfor, metall yoki shisha qoshiqchalarda olish va ishlatilgandan   

    so‘ng qoshiqchalarni filtr qog‘oz bilan tozalab qo‘yish; 

10. Agar reaktiv pipetka yordamida olingan bo‘lsa, uni boshqa ishdishdagi reaktivni   

     olish uchun ishlatmaslik; 

11. Laboratoriya ishini bajarishda tinchlik va tartibni saqlash; 

12. Tajribaning sodir bo‘lishini va barcha o‘zgarishlarni sinchkovlik bilan kuzatish;  

      kuzatilgan tajriba  natijalarini va reaksiya tenglamalarini tajriba tugashi bilanoq   

      laboratoriya daftariga yozib qo‘yish; 

13. Laboratoriya daftarida ish o‘tkazilgan kun, mavzuning nomi, tajribaning nomi,   

      uning qisqacha mazmuni, asbob - uskunaning sxemasi yoki rasmi, kuzatish  

      natijalari, reaksiya tenglamalari, hisoblashlar va xulosalar ko‘rsatilishi kerak; 

---

14. Laboratoriya ishi tugagandan so‘ng talaba ishlatgan kimyoviy idishlarini yuvib,  

      ish joyini tartibga solib, laborantga topshirishi kerak.