1-laboratoriya ishi: Sifat reaksiyalarini bajarish texnikasi

SO₄^2- - ionining xususiy reaksiyasi.
1. Bariy xlorid BaCl₂ (Ba²⁺ ioni)
Sulfat ioni bo‘lgan eritmalar bilan oq cho‘kma BaSO₄ hosil qiladi. Bariy sulfat kuchli kislotaning tuzi bo‘lib suvda qiyin eriydi, kislotalarda esa erimaydi. Bu bilan BaSO₄ boshqa hamma anionlarning bariy tuzlaridan farqlanadi; uning ana shu xossalaridan SO₄^2- ionini topishda foydalaniladi:
Ba²⁺ + SO₄^-2 → BaSO₄↓
Tajriba: Probirkada natriy sulfatning – Na₂SO₄ 2-3 tomchi eritmasiga 2-3 tomchi bariy xlorid eritmasi qo‘shiladi. Cho`kma 2 qismga bo‘linadi, hamda uning xlorid kislota va ishqorda erishi tekshiriladi.
Qo‘rgoshinning eruvchan tuzlari SO₄^2- ionlari bilan qo‘rgoshin sulfatning suyultirilgan kislotalarda erimaydigan lekin qizdirilganda o‘yuvchi ishqorlarda va ammoniy atsetatda eriydigan oq cho‘kmasini hosil qiladi:
Pb²⁺ + SO₄^-2 → PbSO₄↓
Tajriba: 4-5 tomchi sulfat kislotga yoki uning tuzi eritmasiga shuncha eritma qo‘shiladi. Cho‘kmaning ishqorlarda va konsentrlangan ammoniy atsetat eritmasida qizdirilganda erishi tekshirib ko‘riladi. Konsentrlangan H₂SO₄ PbSO₄ cho‘kmasini eritib, qo‘rgoshin gidrosulfat hosil qiladi.
PbSO₄ + H₂SO₄→ Pb(HSO₄ )₂↓


2.Kumush nitrat AgNO₃ (Ag⁺ ioni)
Kumush nitrat sulfatlarning suyultirilgan eritmalari bilan cho‘kma bermaydi, chunki Ag₂SO₄ suvda deyarli yaxshi eriydi. Lekin sulfatlarning konsentrlangan eritmalarida oq rangli Ag₂SO₄ cho‘kmasi hosil bo‘lishi mumkin.
SO₄^-2 + 2Ag⁺ → Ag₂SO₄↓
Tajriba: 2-marta probirkaga 3-4 tomchi Na₂SO₄ tomiziladi. 1-2 tomchi BaCl₂ eritmasidan quyiladi va 3-4 tomchi AgNO₃ quyiladi. Oq rangli cho‘kma hosil bo‘ladi.