1-Ma’ruza: davlat kadastrlarini yaratish va yuritishning normativ huquqiy va nazariy asoslari reja

16-Ma’ruza: Aloqa ob’ektlari davlat kadastrini yuritish

NORMATIV HUQUQIY BAZASI

1. O‘zbekiston Respublikasining “Davlat kadastrlari to‘g‘risida”gi Qonuni (15.12.2000 yil № 171-II) 2. O‘zbekiston Respublikasining “Pochta aloqasi to‘g‘risida”gi Qonuni (31.08.2000 yil № 118-II) 3. O‘zbekiston Respublikasining “Telekommunikatsiya to‘g‘risida”gi Qonuni (20.08.1999 yil № 822- I) 4. O‘zbekiston Respublikasi Vazirlar Mahkamasining 2005 yil 16 fevraldagi 66-son qarori bilan tasdiqlangan “Davlat kadastrlari yagona tizimi (DKYAT)ni yaratish va yuritish tartibi to‘g‘risidagi Nizom” 5. O‘zbekiston Respublikasining Vazirlar Mahkamasining “Aloqa ob’ektlari davlat kadastrini yuritish tartibi to‘g‘risida Nizomi”ni tasdiqlash haqidagi 2005 yil 30 iyundagi 152-son qaroriga 4-ilova.

YURITISH TARTIBI

1. O‘zbekiston aloqa va axborotlashtirish agentligi tizimida hamda uning tizimidan tashqarida faoliyat ko‘rsatadigan aloqa korxonalari ob’ektlari mulkdorlari/foydalanuvchilari aloqa korxonalari ob’ektlari bo‘yicha kadastr axborotlarini kadastr xizmatlariga taqdim etadilar. 2. Kadastr xizmatlari ushbu ob’ektlar mulkdorlari va foydalanuvchilaridan aloqa korxonalari ob’ektlari bo‘yicha kadastr axborotlarini to‘playdi, o‘z hududlari doirasida kadastr ishini shakllantiradi, aloqa korxonalari ob’ektlari bo‘yicha axborotlarni ITMTM AODK xizmatiga beradi. 3. ITMTM AODK xizmati davlat er kadastridan hamda binolar va inshootlar davlat kadastridan er uchastkalari, bino va inshootlar to‘g‘risidagi axborotlarni oladi. 4. ITMTM AODK xizmati aloqa korxonalari ob’ekti AODKga kiritilgandan keyin kadastr axborotlarini "Ergeodezkadastr" davlat qo‘mitasining DKYAT ma’lumotlar bazasiga beradi. 5. ITMTM AODK xizmati so‘rov bo‘yicha "Ergeodezkadastr" davlat qo‘mitasining DKYAT ma’lumotlar bazasidan aloqa korxonalari ob’ektlari bo‘yicha axborotlarni olishi mumkin. 6. ITMTM AODK xizmati aloqa korxonalari ob’ektlari bo‘yicha zarur axborotlarni kadastr xizmatlariga yuboradi. 7. DKYATdan foydalanuvchilar so‘rov bo‘yicha "Ergeodezkadastr" davlat qo‘mitasining DKYAT ma’lumotlar bazasidan aloqa korxonalari ob’ektlari bo‘yicha kadastr axborotlarini olishi mumkin.