1-ma’ruza. Strategik boshqaruv fanining predmeti va boshqaruv jarayoni reja

Maqsadlarni qo’yish - biznes missiyasining maxsus maqsadlar qatoriga aylanish jarayonidir. Ayni paytda tashkilotning har bir bo’linmasini kerakli tomonga yo’naltirish jarayoni ham ana shunday boshlanadi. Maqsadlar menejer muvaffaqiyatga erishish uchun muhim deb hisoblagan har bir muhim natija uchun zarurdir. Maxsus muhim natijalar odatda tarmoqning miqyosi va darajasini, ishning rivojlanishi, investitsiyalarning qaytarilishini, dividendlarning o’sishini, bozorning o’lchamlarini, sifatli mahsulotning yoki texnologik peshqadamlikning obro’sini, beqaror iqtisodiyotda ishlay olish qobiliyatini, diversifikatsiya darajasini, moliyaviy qudratni, iste’molchilarga xizmat ko’rsatishni, qiymat bo’yicha raqobatlasha olish qobiliyatini o’z ichiga olishi mumkin.

TASHKILOT STRATEGIYASI

bu kompaniyaning turgan joyidan erishmoqchi bo’lgan joyiga qanday qilib o’tkazish mumkin, degan masalani yechish haqidagi yo’riqnomadir.

Odatda strategiya 4 ta darajada ishlab chiqiladi:

Korporativ strategiya
Ishbop strategiya
Funksional strategiya
Amaliy strategiya
Korporativ strategiya – kompaniya va uning faoliyat yo’nalishlari bo’yicha umumiy strategiya
Ishbop strategiya – kompaniyaning har bir yo’nalishi uchun strategiya
Funksional strategiya – kompaniyaning har bir funksional tuzilmasi uchun strategiyasi
Amaliy strategiya – asosiy tuzilmalar: zavodlar, savdo shaxobchalari va bo’limlar uchun

Strategiyani ishlab chiqishning asosiy tashkiliy pog’onalari.

Korporatsiya miqyosi
Bo’linmalar miqyosi
Funksional miqyosi
Quyi pog’ona menejerlari (dala komandirlari)

Strategiyani ijtimoiy talablarga moslashtirish quyidagilarni nazarda tutadi:

Jamiyat manfaatlari va odob me’yorlari doirasida ishchanlik ko’rsatish
Ijtimoiy afzalliklar va jamiyat ehtiyojlariga ijobiy qarab o’z faoliyatini tartibga solish
Tartiblashtiruvchi me’yorlar bilan ziddiyatga bormaslik uchun zarur harakatlarni o’z vaqtida amalga oshirish
Aksiyadorlar manfaati va jamiyat manfaatlari o’rtasida muvozanatni saqlash
Jamiyatda kompaniyaning fuqarolik pozitsiyasini ta’minlash

G’ALABA QOZONISH STRATEGIYASI

Agar strategiya kompaniyaning ahvoliga mos bo’lsa, raqobat ustunligi yaratilsa, ishni yaxshilashga yarasa - bunday strategiya g’alaba qozonish strategiyasi deyiladi.

G’olibona strategiyaning belgilari
Moslik darajasi mezoni
Raqobat kurashida ustunlik mezoni
Ishning jadalligini oshirish mezoni