1-mavzu: Elektron jadvallar. Ms excel dasturi

3.1. Excel dasturining qo‘llanilish sohalari 
Excel dasturi dunyoda eng keng tarqalgan elektron jadval dasturi bo‘lib, 
Microsoft Office paketi tarkibiga kiradi. Elektron jadvallar bilan ishlash uchun 
ko‘plab dasturlar mavjud bo‘lishiga qaramasdan, ular orasida Excel dasturi eng 
ommabop va dunyo standarti darajasidagi dastur hisoblanadi. 
Umimiy holda elektron jadvallar asosan iqtisodiy masalalarni yechishga 
mo‘ljallangan bo‘lsa-da, uning tarkibiga kiruvchi vositalar boshqa sohaga tegishli 
masalalarni yechishga ham masalan, formulalar bo‘yicha hisoblash ishlarini olib 
borish, grafik va diagrammalar qurishda ham katta yordam beradi. Shuning uchun 
Microsoft Excel elektron jadvali dasturini o‘rganish muhim ahamiyat kasb etadi va 

---

har bir foydalanuvchidan Microsoft Excel elektron jadvali bilan ishlay olish 
ko‘nikmasiga ega bo‘lish talab etiladi. 
Inson o‘z ish faoliyati davomida ko‘pincha biror kerakli ma'lumot olish 
uchun bir xil, zerikarli, ba'zida esa murakkab bo‘lgan ishlarini bajarishga majbur 
bo‘ladi. Microsoft Excel elektron jadvali mana shu amallarni osonlashtirish va 
yechimini tez va oson topish uchun ishlab chiqilgan dasturiy vositalardan biri 
bo‘lib hisoblanadi. 
Excelning jozibadorligi ko‘p jihatdan uning universalligi bilan bog‘lanadi. 
Albatta, Excelning muhim jihati sifatida uning sonli hisoblashlarni amalga 
oshirishda foydalanilishi bo‘lishiga qaramasdan, lekin Excel raqamsiz dasturlar 
uchun ham samarali vosita hisoblanadi. Misol uchun, quyida Exceldan 
foydalanishda bir nechta vazifalarni bajarish keltirib o‘tilgan: 
Raqamlarni qisqartirish Byudjet haqidagi ma’lumotlarni yarating, 
xarajatlarni hisoblang, so‘rov natijalarini tahlil qiling va siz taxmin qilgan har 
qanday moliyaviy tahlilni amalga oshiring. 
Grafiklarni yaratish Har xil yuqori darajada sozlanadigan grafiklarni 
yarating.