1-mavzu: Elektron jadvallar. Ms excel dasturi

3.5. Tasmadan (Лента, Ribbon) foydalanish
Office 2007 versiyasidan boshlab Microsoft an'anaviy menyular va 
asboblar panelini almashtiruvchi Tasma ekranning yuqori qismidagi 
piktogrammalar to‘plamini yaratdi. Piktogramma ustidagi so‘zlar yorliqlar deb 
nomlanadi: Home (Главная), Insert (Вставка) yorlig‘i va boshqalar. Tasmadan 
foydalanish yanada osonlashtirilgan holatda sozlanishi mumkin. 
Foydalanuvchi istagiga ko‘ra Tasma yashirin yoki ko‘rinadigan bo‘lishi 
mumkin. Tasma ko‘rinishini o‘zgartirish uchun Ctrl+F1 tugmalar 
kombinatsiyasini bosing (yoki yuqoridagi yorliqni ikki marta bosing). Agar 
Tasma yashirilgan bo‘lsa, u yorliqni bosganingizda vaqtincha paydo bo‘ladi va 
ishchi varaqni bosganingizda yashirin holatga o‘tadi. Sarlavha satrida Ribbon 
display options (Параметры отображения ленты) deb nomlangan boshqaruv 
tugmasi mavjud bo‘lib (3.3-rasm), ushbu panel yordamida foydalanuvchi o‘zi 
istagan ekran turini tanlashi mumkin. 
Tasmadan qaysi yorliq tanlanishiga qarab Excel dasturi oynasidagi 
buyruqlar guruhi o‘zgaradi (1.3-rasm). 
3.3-rasm. Tasmadagi Home (Главная) yorlig‘i buyruqlari guruhi 
Tasmada quyidagi yorliqlar mavjud: 
Tasmadagi buyruqlar qaysi yorliq tanlanganiga qarab farqlanadi. Tasmadagi 
yorliqlar buyruqlarga qarba guruhlarga ajratiladi. Quyida tasmadagi yorliqlarga 
tegishli buyruqlar haqida to‘xtalib o‘tiladi: 
Home (Главная). Ushbu yorliq foydalanuvchilar tomonidan eng ko‘p 
foydalaniladigan yorliq hisoblanadi. Ushbu yorliqda nusxa ko‘chirish, qirqib 
olish, qo‘yish, joylash, formatlash buyruqlari, stilni tanlash buyruqlari, 

---

qatorlar/ustunlarni qo‘shish/o‘chirish va shu kabi asosiy buyruqlar, shuningdek 
tahrirlashni amalga oshirishda zarur bo‘ladigan buyruqlar guruhini qamrab oladi.