1-Мавзу: Мантиқ фанинг предмети илмий билиш

Мантиқ фанининг фикр юритиш маданиятини ўстиришдаги 
аҳамияти 
Мантиқ инсон тафаккури маданиятини кўтариш ва инсониятнинг узоқ 
тажрибаси натижасида такомиллашган тафаккур шакллари, қонунлари ва 
қоидаларини билиш учун хизмат қилади. У инсон фикрининг кетма-кет, 
зиддиятсиз ва асосли бўлишини таъминлайди. 
Мантиқ фани мазмунини чуқурроқ ўрганиш кишиларнинг ўз тафаккури 
ва ўзгалар тафаккури натижаларига танқидий қараш хислатларини 
ривожлантиради. Тафаккурнинг бу сифатлари эса инсоннинг турли илмий ва 
амалий фаолиятлари соҳасидаги иши учун катта аҳамиятга эга. Мантиқий 
усуллардан тўғри фойдалана олиш, таълим тарбия жараёнида исбот ва 
раддиянинг мантиқий томонларини билиш талабаларда ўз нутқининг асосли 
бўлишини таъминлайди, фикрдаги зиддиятларни очишга ёрдам беради. 
Мантиқни яхши билиш турли илмий учрашувлар, мунозаралар, 
муҳокамаларда муҳим аҳамиятга эга бўлади. Хусусан, бундай ҳолларда 
фикрлаш субъекти ҳақиқатни аниқлаш ёки унинг софлигини сақлаб қолиш, 
асослаш учун мантиқий қонун-қоидаларни тўғри тадбиқ эта билиши, 
сухбатдошининг фикридаги хатоларни тез топа олиши, ўз фикрини далилли 
қилиб баён этиши зарур. Бу эса унинг мантиқ фанини яхши билишига кўп 
жиҳатдан боғлиқдир 

---

Ўзини-ўзи назорат қилиш учун саволлар: 
 
1. Формал мантиқ нимани ўрганади? 
2. Тафаккур шакли нима? 
3. Тафаккур қонуни нима? 
4. Тушунчаларда нималар акс эттирилган? 
5. Фикр қачон тўғри қурилган деб ҳисобланади? 
6. Тушунчада предмет қандай ҳолларда акс эттирилади?
 
Фойдаланилган адабиётлар рўйхати: 
1. Маҳмудов И.И. Бошқарув психологияси. – Т.: 2006. Б- 230 
2. Маҳмудов И.И. Бошқарув профессионализми: психологик таҳлил. Т.: 
“Академия”, 2011. Б- 154 
3. Шарипов М., Файзиходжаева Д. Мантиқ. – Т.: Ғ.Ғулом номидаги 
нашриёт-матбаа ижодий уйи. 2004. Б- 214 
4. Пулатова Д., Файзиходжаева Д. Мантиқ. – Т.: “Premier Print”. 2013. 
Б- 324

---