Davlat intizomi –davlatning qonunlari hamda boshqa normativ-huquqiy hujjatlari talablariga, shuningdek tegishli vakolatli organlar va mansabdor shaxslarning ko‘rsatmalariga rioya etish va ularni bajarish zarurligi.
Qonun ustuvorligi - davlat va jamiyat hayotida Konstitutsiya va qonunlarning boshqa normativ-huquqiy hujjatlardan ustun bo‘lishi hamda davlat organlari va tashkilotlari, mansabdor shaxslari va fuqarolarning normativ-huquqiy hujjatlarga qat’iy rioya etilishi.
Qonun ustuvorligi prinsipi – muhim konstitutsiyaviy prinsiplardan biri bo‘lib, u birinchidan, xalq manfaatlarini ifodalaydigan adolatli qonunlar ishlab chiqarishni; ikkinchidan, qonunlar so‘zsiz ijro etilishini ta’minlashni; uchinchidan, fuqarolarning yuksak darajadagi siyosiy va huquqiy madaniyatini talab etadi.
Qonuniylik – davlatning barcha organlari, mansabdor shaxslari va fuqarolar tomonidan Konstitutsiya, qonunlar va boshqa normativ-huquqiy hujjatlarning aniq va doimiy ijro etilishini anglatuvchi konstitutsiyaviy prinsip.
Do'stlaringiz bilan baham: |
