1-Mavzu: Shveysarning lavozim vazifalari Reja

3-Mavzu: Mijozlarning ehtiyojlari va ular kutayotgan servis
Reja:

1. 
   Mijozlarning turlari
   
2. 
   Mehmonxonaning VIP va CIP mijozlari
   
3. 
   Mijozlarning ehtiyojlari
   

Mijozlarning turlari
Har bir inson o'z xaridlarini, ehtiyojlarini, maqsadlari va istaklarini boshqa odamlardan farq qilishi mumkin bo'lgan juda boshqacha tarzda qabul qilishi mumkin. Mahsulot yoki xizmat sotib olinayotganda, odam sotuvchilarni sotishda sezishi juda qiyin bo'lishi mumkin bo'lgan muayyan qarorlarga amal qiladi.
Xaridorlarda topilishi mumkin bo'lgan shaxsiy xususiyatlarning keng doirasi doirasida mijozlar turlarini quyidagi toifalarga bo'lingan taxminan 10 turda kodlash va umumlashtirish mumkin:

1. 
   Qaror qilmagan mijoz
   
2. 
   Jim mijoz
   
3. 
   Maslahatchi, bahsli mijoz
   
4. 
   Faxrli mijoz
   
5. 
   Do‘stona mijoz
   
6. 
   Uslubiy mijoz
   
7. 
   Suxbatdosh mijoz
   
8. 
   Uyatchan mijoz
   
9. 
   Shubxali mijoz
   
10. 
    Band mijoz
    

Mehmonxonalarning mijozlari orasida o‘tkazilgan ko‘plab statistik tadqiqotlar natijasida foydali statistik ma’lumotlar olingan. Misol uchun, mehmonxonalarning mijozlari orasida biznes-turistlar ulushi 40% gacha yetishi, juft bo‘lib sayohat qiluvchi turistlar 43% ni, yolg‘iz erkaklar 32% ni, yolg‘iz ayollar esa – 22% ni tashkil etishi aniqlangan. Mehmonxonani dastlabki tanlashda quyidagi omillar hisobga olinadi (muhimlik darajasiga qarab): mehmonxonaning joylashgan o‘rni, u ko‘rsatadigan xizmatlar, yashash uchun to‘lanadigan haq, tashqi ko‘rinishi va tozaligi. Mijozlar ko‘proq nimadan shikoyat qilishi ham aniqlangan:

• 
  xodimlar yetarli darajada e’tibor bermasligi;
  
• 
  nomer joylashishga tayyor emasligi;
  
• 
  nomerni bronlashtirish majburiyati bajarilmaganligi;
  
• 
  mehmonxonada va nomerda mijoz o‘zini xavfsiz his etmasligi;
  
• 
  nomerda harorat qulay emasligi;
  
• 
  shovqin darajasining kuchliligi;
  
• 
  karavotning noqulayligi;
  
• 
  narxning balandligi;
  
• 
  xizmat ko‘rsatishdagi sustkashlik.
  

Mehmonxonalarning mijozlari orasida o‘tkazilgan so‘rovlar natijasida ham menejment uchun foydali bo‘lishi mumkin bo‘lgan juda ko‘p ma’lumotlar olingan. Misol uchun, mijozlarning to‘rtdan uch qismi nomerga joylashishda birinchi navbatda mini-barni ochib ko‘rishi va uning ichidagi narsalar bilan qiziqishi aniqlangan. Shuningdek, yulduzlar soni kam bo‘lgan mehmonxonalarda mini-barlarni jihozlash foydali ekanligi ham aniqlangan (ayniqsa, mini-bardagi narxlar ana shunday ichimliklarga do‘konlarda belgilangan narxlardan bir necha baravar balandligi hisobga olinsa).
Bundan tashqari, mijozlarning 95% har kuni kamida bir soat televizor tomosha qiladi. Shu sababli hozirgi vaqtda ikki yulduzli mehmonxona nomerida televizor bo‘lgani ma’qul (televizor nazarda tutilmaydigan ekologik mehmonxonalardan tashqari).
Mijozlarning 95% dush va atigi 5% - vanna qabul qiladi. Shu sababli hozirda ayrim to‘rt yulduzli mehmonxonalar nomerlarda to‘la o‘lchamli vannalardan ko‘ra ko‘proq arzon dush kabinalari o‘rnatmoqda. Mijozlarning 40%i ertalab uyg‘otishni talab qiladi. Shu bois mehmonxona avtomatik uyg‘otish sistemasi bilan jihozlansa, maqsadga muvofiq bo‘ladi. Zero, mijozlarni telefon operatori yordamida uyg‘otish hatto kichkina mehmonxona uchun ham jiddiy muammo tug‘dirishi mumkin, chunki mijozlarning aksariyati ularni ayni bir vaqtda – soat 7 da uyg‘otishni so‘raydi. Darvoqe, mijoz o‘z vaqtida uyg‘otmagani uchun mehmonxonadan sud orqali ancha katta pul undirib olgan hollar ham ma’lum. Misol uchun, shunday hollardan birida mijoz sudda mehmonxona aybi bilan uxlab qolgani va ishga doir uchrashuvga o‘z vaqtida yetib borolmagani uchun foydali buyurtmadan mahrum bo‘lgani, ya’ni ziyon ko‘rganini isbotlab bergan.