1 Мавзу: “Технология фанини ўқитиш методикаси” фани ва унинг вазифаси

Касбга йўналтириш асослари бўлими: ўқувчилар касблар таснифи, касбларда меҳнат турларининг таърифи; қўл меҳнатидан фойдаланиш билан боғлиқ бўлган касблар; касб-ҳунар эгаллашда инсон саломатлигига қўйиладиган талаблар; Ўзбекистонда узлуксиз таълим тизими, академик лицей ва касб-ҳунар коллежларининг йўналишлари, уларнинг бир-биридан фарқини билиш. Ўқувчи-ёшларни касб-ҳунарга йўналтириш тизими; касб танлашга доир режа тузиш; касб танлашдаги хатолар, қийинчилик­ларнинг асосий хусусиятлари; касб танлашда шахс қизиқиш ва мойилликлари, қобилиятларини эътиборга олиш; касб танлашда онглилик ва мустақиллик; ўз-ўзини тарбиялаш, касб танлашнинг моҳияти; касбларнинг мураккаблик омилларини таҳлил қилиш; ўзи хоҳлаган касбга яроқли эканлигини аниқлаш, ўз руҳиятидаги касбга мойилликни тарбиялаш усуллари; касб эгаллаш ва ишга жойлашишга доир шахсий режа ишлаб чиқиш бўйича билим, кўникма ва малакаларга эга бўладилар.

“Сервис хизмати” йўналиши

Ишлаб чиқариш асослари бўлими: ўқувчилар Ўзбекистондаги ишлаб чиқариш турлари ва таркиби, уларнинг бир-бирига боғлиқлиги; тех­нологик жараёнлар, янги техника, илғор технологиялар; меҳнат фанига механик таъсир этиш орқали амалга ошириладиган технологик жараёнлар; ишлаб чиқаришдаги кимёвий ва физик-технологик жараёнлар; фан-техника тараққиётини жадаллаштириш омиллари ва истиқболи; ишлаб чиқариш технологияси; ишлаб чиқаришни тайёрлашга оид технологик ҳужжатлар; маҳсулот ишлаб чиқаришни назорат қилиш, ўлчаш ва таққослаш технологиялари; кадрларни тайёрлаш, малакасини ошириш йўна­лишлари, тартиби ва стандартлари; мулк­чилик турлари, маркетинг ва менежмент фаолиятининг ривожланиши; замонавий ишлаб чиқаришнинг бозор муносабати билан узвийлиги; олинадиган даромад ва уни тақсимлаш қоидалари; меҳнатни унумли ташкил этиш, тежамкорлик ва ишбилармонлик асослари; меҳнатни илмий ташкил этиш; табиатни муҳофаза қилиш; саноат миқёсида кўп серияли ишлаб чиқариш учун тавсия этиш мумкин бўлган маҳсулот намунасини тайёрлаш.
Халқ ҳунармандчилиги технологиялари бўлими: ўқувчилар пазандачилик ва газламага ишлов бериш жараёнлари билан уйғунлаш-тирилган халқ ҳунармандчилиги технологиялари; ҳунармандларнинг бозор муносабатлари асосидаги фаолиятлари, уюшмалари ва унинг истиқболлари; ҳунармандчилик бўйича кўргазма ва танловларни ташкил қилиш ва иштирокчиларни танлаш қоидалари; ҳунармандлари томонидан экспорт ва ички бозор учун ишлаб чиқарилаётган маҳсулотлар; халқ ҳунармандчилигида фойдаланилаётган нодир материаллар, асбоб-ускуналар; ҳунармандчилик маҳсулотларини ташқи шакли узвийлиги ва яхлитлиги таъминланишига кўра баҳолаш; композицион яхлитлик; халқ ҳунармандчилигига оид танланган битта касб-ҳунар турлар; халқ ҳунармандчилигининг танланган йўналиши бўйича замонавий дизайн талаблари билан уйғунлаштирилган маҳсулот тайёрлаш иш усуллари; замонавий дизайн талаблари билан уйғунлаштирилган халқ ҳунармандчилик маҳсулотларини тайёрлаш иш усулларига оид билим, кўникма ва малакаларга эга бўладилар.