1-Мавзу: Замонавий корпоратив маданият тушунчаси, моҳияти ва мазмуни (2 соат)

Италия. Италиялик ишбилармонлари музокаралар ишбилармонлар оламида мавқеи тахминан тенг бўлган одамлар орасида олиб борилишига ката аҳамият беришади. Бундан ташқари ҳамкорлар билан дўстона, норасмий алоқалар ўрнатилишига катта аҳамиятга эга. Шунингдек кўп масалаларни италияликлар норасмий вазиятда, масалан, ресторанда муҳокама қилишни афзал кўришади. Муаммоли масалаларда италияликлар ақл билан иш юритишга ҳаракат қиладилар.
Олмония. Олмонлар суҳбатни бошлаш учун вақтни бекорга сарфламай, маъносиз қуруқ сўзларни ишлатмайдилар. Суҳбат аниқ характерга эга бўлади. Олмонлар тартибга аниқ риоя қилувчи ва нозик табиатли (инжиқ)дирлар. Агар сиз келишувнинг ҳамма шартларини бажара олишингизга шубҳаласангиз, унда таклифларингиздан олдиндан вос кечишингиз яхшироқ. Ишни ўз вақтида бажаришлик ва регламентация ҳамма соҳаларда кўринади. Олмонларда нафақат ишни, балки шахсий ҳаётни ҳам кун ва соатларда режалаштириш одати бор.
Финляндия. Фин бизнесменларнинг замонавий тадбиркорлик этикаси ишончлилиги ва пухталиги, тўғрилиги ва хаққонийлиги, аниқлиги ва ўта синчковлилиги билан ажралиб туради. Бу мамлакатда ҳамкасб ёки дўстларни табриклаш одат тусига киритилган. Агар сиз бирор нарса совға қилмоқчи бўлсангиз, совға қиммат бўлмаслиги керак. Финляндияда кўплаб ишга оид масалалар сауна ёки ресторанда ҳал қилинади, шунинг учун шу каби таклифларни рад қилманг, бу сиз учун савдо-сотиқ билан боғлиқ ишингизда катта ёрдам бўлиши мумкин.
Япония. Япон бизнесменлари учинчи шахс, яъни воситачи орқали шахсий алоқаларни ўрнатишни афзал кўрадилар. Воситачи моддий жиҳатдан ёки ёрдам берилиши билан мукофотланиши керак. Японлар мулоқот тадбиркорлик соҳасида ёки жамиятда деярли бир ҳил ўринга эга одамлар ўртасида олиб борилишига катта эътибор қаратадилар. Улар учун даражаларнинг бир поғонада ҳам фарқ қилиши томоннинг этикетни бузмоқда, етарли обрўга эга эмас ёки Сўровчи (Илтимос қилувчи) ролида чиқмоқда деган маънога эга. Шунинг учун янги алоқалар сизга керак бўлган шахс билан қариндошлик, дўстона ва молиявий муносабатда бўлган воситачилар орқали ўрнатилади.
Жанубий Корея. Кореядаги энг катта қийинчилик – икки томон ўртасидаги тушунмовчилик, яъни тил билан боғлиқ тўсиқдир. Корейсларга музокаралар олиб бориладиган инглиз тилини ўзлаштириш қийин. Корейсларнинг миллий ифтихор ва кўнгил нозиклигини ҳисобга олиш керак. Улар обрўларига бўлган ҳар қандай тажовузни оғир қабул қиладилар. Корейс бизнесменларига ёзма ҳолда мурожаат қилиб, алоқа ўрнатиш мумкин эмас. Бу ҳолда воситачиларсиз иш битмайди. Юзма – юз учрашувдан бошқасини тан олмайдилар. Жанубий Кореяда лавозимини ёки фамилиясини айтиб мурожаат қилиш одатдир.
Хитой. Хитойликлар барча жиҳатларни ва таклиф қилинаётган битимнинг оқибатларини қўшимча равишда ўрганмасдан туриб, қарор қабул қилмайдилар. Агар вақтнинг чўзилиб кетишини хоҳламасангиз, таклифингизни кўриб чиқиш муддатини қисқартириб, унинг аниқ тавсифини иш сафарингиздан 2-4 хафта олдин юборинг. Хитойда хорижий шериклар билан норасмий муносабатларни ўрнатишга катта эътибор қаратишади. Совғани маълум бир шахсга эмас, балки бутун ташкилотга қилиш афзалроқ.
Туркия. Туркияда иш билан боғлиқ суҳбатлар кафеда бир пиёла чой ва ширинликлар билан бошланади. Агар кафеда музокаралар муваффақиятли якун топсп, ҳамма ресторанга йўл олади. Турклар совға беришни ва олишни яхши кўрадилар. Бу ерда ҳар қандай маросим таклиф қилинганларга кичик эсдалик совға тақдим қилиш билан якунланади. Иш бўйича суҳбатдан олдин у – бу суҳбат бўлиб ўтади. Айнан шу суҳбат давомида сизнинг таклифингизнинг тақдири ҳал қилинади.