1-modul. Baslawısh tálimdi modernizaciyalaw tiykarları (Mektepti modernizaciyalaw) pániniń predmeti

2 - leksiya. ÒZBEKSTAN RESPUBLIKASINDA ÙZLIKSIZ BILIMLENDIRIWDI MODERNIZACIYALAW HÁM ONIŃ ÁHMIYETI
Reje
Òzbekstanda bilimlendiriw procesin modernizaciyalawdıń social - pedagogikalıq òzgeshelikleri;
Bilimleniriw sistemasın modernizaciyalawdiń ilimiy - teoriyalıq tiykarları hám onıń wazıypaları;
Tálimdi modernizaciyalaw baģdarları.
Tayanısh tùsinikler: modernizaciya, bilimlendiriw procesi, demokratiyalastırıw, modernizaciyalaw baģdarları, oqıw reje, oqıw baģdarlama,
Ózbekstanda tálim procesin modernizaciyalawdıń social - pedagogikalıq ózgeshelikleri
Modernizaciya procesleriniń sapalı nátiyjesin tálim sistemasın modernizaciya etpesten ámelge asırıp bolmaydı. Jámiyetimizdegi ekonomikalıq social, siyasiy, materiallıq tarawlarda bolıp atırǵan ózgerisler mámleketimizdiń intellektuallıq múmkinshiliklerin belgilep beretuǵın jáne onı rawajlandiriwdıń tiykarǵı shárti esaplanǵan tálim sistemasına da baylanıslı. Ġárezsizlik jıllarında mámleketimiz tálim sisteması tùpten reforma etildi. Bul process penen bilimlendiriw tarawı menen baylanıslı barlıq iskerlik tarawılarında ayqın kórinetuǵın bolıp atır.
Búgingi kúnde tálimdegi eń zárúrli strategiyalıq baģdar - tálim sistemasın modernizaciyalaw bolıp tabıladı. Zamanagóy sharayatta bilimlendiriw civilizaciyalıq (siyasiy, ekonomikalıq, social, materiallıq) funkciyalardı atqaradı, sonıń menen birge, insaniyat toplaǵan ilimiy bilimlerdi, kónlikpe hám ilmiy tájriybelerdi ózlestiriw, kreativ shaxstı qáliplestiriw, sońında básekige shıdamlı kadrlar tayarlawǵa xızmet etedi. Buǵan baylanıslı gózlengen maqsetlerge tálimniń mazmunın reforma etpesten erisip bolmaydı.
Házirgi waqıtta dúnya jámiyetshiligi tárepinen tálimdi rawajlandırıw, onı modernizaciyalawdıń anıq baģdarları belgilengen. Atap aytqanda:
- tálimdi tupten demokratiyalastırıw,
- úzliksiz tálim ideyası, yaǵnıy “tálim pútkil ómir dawamında” ideyası,
- bilimlendiriwdiń globallasıwına erisiw,
- tálimdi informaciyalastırıw.
Tálimdi modernizaciyalawdan maqset onıń mazmunın rawajlandırıwdan ibarat. Bilimlendiriwdiń mazmunın asırıwda tòmendegi faktorlarģa ayırıqsha itibar qaratıw talap etiledi:
- tálim, pán hám islep shıǵarıw sherikliginen kelip shıǵıp, “kadrlar bazari”na básekige shıdamlı kadrlardı tayarlaw,
- sociallıq zárùriyat, tálim alıwshılardıń talapları, region hám aymaqtıń máplerin inabatqa alıw;
- tálim-tárbiyanıń forma hám metodları, pedagogikalıq-psixologiyalıq shárt-shárayatları, faktorları, qurallarınıń óz-ara qatnasın, muwapıqlıǵın hám taģı basqa;
- oqıtıwdıń kásiplik kompetentligi, kreativligi, uqıbı, ilim-pánniń aldıńǵı jetiskenliklerinen xabarlılıǵı hám shet tilinen sawatqanlıģlı;
- MBS, oqıw reje, oqıw baģdarlamaların dáwir talabı tiykarında jetilistiriwdiń úzliksizligi, materiallıq-texnikalıq bazanı bekkemlew, innovaciyalardı keń engiziw hám shet el tájiriybeleri tiykarında jáne de bayıtıw;
-mámleket tárepinen teń haqılı tolıq tálim alıw múmkinshilikleri hám kepilliklerin támiyinlew;
- mektepke shekem, ulıwma orta, orta arnawlı kásip-óner hám Joqarı tálimdi jańa zamanagóy sapa dárejesine erisiw;
- tálim sistemasına byudjetten tısqarı aqshalardı qosıw hám olardan paydalanıwdıń normativ-huqıqıy hám shólkemlestirilgen ekonomikalıq mexanizmlerin jetilistiriw;
-bilimlendiriw tarawındaǵı xızmetkerlerdiń social poziciyası hám professional potencialların asırıw hám bunda mámleket hám jámiyet tárepinen qollap quwatlawdı jáne de kúsheytiw;