20206 Jismoniy shaxslarning talab qilib olinguncha saqlanadigan depozitlari
Hisobvaraqning ta’rifi: jismoniy shaxslarning joriy maqsadlarda foydalanadigan mablag‘lari hisobi olib boriladi.
Hisobvaraqning kreditida jismoniy shaxslarning talab qilib olinguncha saqlanadigan depozit hisobvaraqlariga kelib tushgan mablag‘lar summasi aks ettiriladi.
Hisobvaraqning debetida jismoniy shaxslarning talab qilib olinguncha saqlanadigan depozit hisobvaraqlaridan hisobdan chiqarilgan mablag‘lar summasi aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
20207 Respublika yo‘l jamg‘armasining talab qilib olinguncha saqlanadigan depozitlari
Hisobvaraqning ta’rifi: konsolidatsiyalashgan davlat budjetiga kiritiladigan va ma’lum maqsadlar uchun hukumatning qarori yoki farmoyishi asosida tashkil etilgan Respublika yo‘l jamg‘armasining mablag‘lari hisobi olib boriladi.
Hisobvaraqning kreditida jamg‘armaning Nizomda nazarda tutilgan, kelib tushadigan daromadlari summasi aks ettiriladi.
Hisobvaraqning debetida Markaziy bankning Toshkent shahar Bosh boshqarmasi HKKMdagi Respublika yo‘l jamg‘armasining maxsus 21508 — “Bank bo‘lmagan moliyaviy institutlarning talab qilib olinguncha depozitlari” hisobvarag‘iga o‘tkaziladigan mablag‘lar summasi aks ettiriladi.
Tahliliy hisob alohida shaxsiy hisobvaraqlarda yuritiladi.
20208 Xususiy korxonalar, xo‘jalik shirkatlari va jamiyatlarning talab qilib olinguncha saqlanadigan depozitlari
Hisobvaraqning ta’rifi: xususiy korxonalar, fermer va dehqon xo‘jaliklari, to‘liq va kommandit shirkatlari, mas’uliyati cheklangan yoki qo‘shimcha mas’uliyatli va aksiyadorlik jamiyatlarining joriy maqsadlarda foydalanadigan mablag‘lari hisobi olib boriladi
Hisobvaraqning kreditida xususiy korxonalar, xo‘jalik shirkatlari va jamiyatlarning talab qilib olinguncha saqlanadigan depozit hisobvaraqlariga kelib tushgan mablag‘lar summasi aks ettiriladi.
Hisobvaraqning debetida xususiy korxonalar, xo‘jalik shirkatlari va jamiyatlarning talab qilib olinguncha depozit hisobvaraqlaridan hisobdan chiqarilgan mablag‘lar summasi aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
Do'stlaringiz bilan baham: |
