20216 Bank bo‘lmagan moliyaviy muassasalarning talab qilib olinguncha saqlanadigan depozitlari
Hisobvaraqning ta’rifi: bank bo‘lmagan moliyaviy muassasalarning, shu jumladan mikrokredit tashkilotlari, lombard va lizing kompaniyalarining joriy maqsadlar uchun foydalanadigan mablag‘lari hisobi olib boriladi.
Hisobvaraqning kreditida bank bo‘lmagan moliyaviy muassasalarning talab qilib olinguncha saqlanadigan depozit hisobvaraqlariga kelib tushgan mablag‘lar summasi aks ettiriladi.
Hisobvaraqning debetida bank bo‘lmagan moliyaviy muassasalarning talab qilib olinguncha saqlanadigan depozit hisobvaraqlaridan hisobdan chiqarilgan mablag‘lar summasi aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
20218 Yakka tartibdagi tadbirkorlarning talab qilib olinguncha saqlanadigan depozitlari
Hisobvaraqning ta’rifi: yuridik shaxs tashkil etmasdan faoliyat ko‘rsatayotgan yakka tartibdagi tadbirkorlar va dehqon xo‘jaliklarining joriy maqsadlarda foydalanadigan mablag‘lari hisobi olib boriladi
Hisobvaraqning kreditida yakka tartibdagi tadbirkorlarning talab qilib olinguncha saqlanadigan depozit hisobvaraqlariga kelib tushgan mablag‘lar summasi aks ettiriladi.
Hisobvaraqning debetida yakka tartibdagi tadbirkorlarning talab qilib olinguncha saqlanadigan depozit hisobvaraqlaridan hisobdan chiqarilgan mablag‘lar summasi aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
Oldingi tahrirga qarang.
20294 — Norezident — yuridik shaxslarning talab qilib olinguncha saqlanadigan depozitlari
Hisobvaraqning ta’rifi: norezident — yuridik shaxslarning joriy maqsadlarda foydalanadigan mablag‘lari hisobi olib boriladi.
Hisobvaraqning kreditida norezident — yuridik shaxslarning talab qilib olinguncha depozit hisobvaraqlariga kelib tushgan mablag‘lar summasi aks ettiriladi.
Hisobvaraqning debetida norezident — yuridik shaxslarning talab qilib olinguncha depozit hisobvaraqlaridan hisobdan chiqarilgan mablag‘lar summasi aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
(III-bo‘lim O‘zbekiston Respublikasi Markaziy banki Boshqaruvining 2018-yil 8-sentabrdagi 29/3-sonli qaroriga (ro‘yxat raqami 773-37, 15.10.2018-y.) asosan 20294-hisobvaraq bilan to‘ldirilgan — Qonun hujjatlari ma’lumotlari milliy bazasi, 16.10.2018-y., 10/18/773-37/2054-son)
Do'stlaringiz bilan baham: |
