1. Moliya / Banklar va boshqa kredit muassasalari. Kreditlar

21202 Boshqaruv (menejer) cheklari
Hisobvaraqning ta’rifi: ushbu bankda depozit hisobvaraqqa ega bo‘lmagan to‘lovchilarga o‘z majburiyatlari bo‘yicha bank tomonidan berilgan cheklarning hisobi olib boriladi.
Hisobvaraqning kreditida berilgan chek summasi aks ettiriladi.
Hisobvaraqning debetida chekning qoplanish summasi aks ettiriladi.
Tahliliy hisob har bir to‘lovchi va chek turi bo‘yicha alohida shaxsiy hisobvaraqlarda olib boriladi.
21400 Bankning to‘lanmagan akseptlari
21402 To‘lanmagan akseptlar — Mahalliy
Hisobvaraqning ta’rifi: mahalliy savdo operatsiyalarini amalga oshirishda xaridorlarga aksept shaklida berilgan muddatli veksellar/trattalarning summasi hisobga olinadi. Ushbu hisobvaraq 11701 — “Mijozlarning akseptlari bo‘yicha majburiyatlari — Mahalliy” hisobvarag‘iga kontrhisobvaraq hisoblanadi.
Hisobvaraqning kreditida aksept shaklida berilgan veksellar/trattalarning qiymati aks ettiriladi.
Hisobvaraqning debetida aksept shaklida to‘langan veksellar/trattalarning qiymati aks ettiriladi.
Tahliliy hisob veksel/trattalarning muddati bo‘yicha alohida shaxsiy hisobvaraqlarda olib boriladi.
21406 To‘lanmagan akseptlar — Xorijiy
Hisobvaraqning ta’rifi: xalqaro savdo operatsiyalarini amalga oshirishda mijozlarga aksept shaklida berilgan muddatli veksellar/trattalarning hisobi olib boriladi. Ushbu hisobvaraq 11705 — “Mijozlarning akseptlari bo‘yicha majburiyatlari — Xorijiy” hisobvarag‘iga kontrhisobvaraq hisoblanadi.
Hisobvaraqning kreditida aksept shaklida berilgan veksellar/trattalarning qiymati aks ettiriladi.
Hisobvaraqning debetida aksept shaklida to‘langan veksellar/trattalarning qiymati aks ettiriladi.
Tahliliy hisob veksellar/trattalarning muddati bo‘yicha alohida shaxsiy hisobvaraqlarda olib boriladi.
21600 To‘lanishi lozim bo‘lgan qisqa muddatli kreditlar
21602 O‘zRMBga to‘lanishi lozim bo‘lgan qisqa muddatli kreditlar
Hisobvaraqning ta’rifi: olingan sanasidan boshlab 1 yil muddatgacha O‘zRMBdan olingan kredit (mohiyati bo‘yicha kreditlar bo‘lgan boshqa operatsiya)larning hisobi olib boriladi.
Hisobvaraqning kreditida olingan kreditlar summasi aks ettiriladi.
Hisobvaraqning debetida to‘langan kreditlar summasi hisobdan chiqariladi.
Tahliliy hisob har bir kredit shartnomasi bo‘yicha alohida shaxsiy hisobvaraqlarda olib boriladi.