1. Quyidagilar: Oldingi tahrirga qarang

Bosqich		Subyektlar		Tadbirlar
Bajarish muddati
1-bosqich		Vazirlik va idoralar, yuridik va jismoniy shaxslar		Xodimni turizm sohasidagi mutaxassislarning qayta tayyorlash va malakasini oshirish kurslaridan o‘tish uchun yo‘llaydi.		Ehtiyojdan kelib chiqqan holda
2-bosqich		Ta’lim muassasalari		1. Mazkur Nizom talablariga muvofiq, mutaxassislar qayta tayyorlanishi va malakasini oshirishini tashkil qiladi. 2. Turizm sohasidagi mutaxassislarga (imtihonlardan muvaffaqiyatli o‘tgan taqdirda) qayta tayyorlash haqidagi diplom yoki malaka oshirganlik haqida belgilangan namunadagi guvohnomani topshiradi.		Ushbu Nizomda belgilangan muddatlarga muvofiq
3-bosqich		Qayta tayyorlash haqida diplom yoki malaka oshirganlik to‘g‘risida guvohnoma olgan mutaxassis		Turizm sohasida mutaxassislarning malakasini oshirganligi to‘g‘risidagi guvohnoma yoki qayta tayyorlanganligi haqida diplom albatta bo‘lishi shart bo‘lgan lavozimlarda ishlash huquqiga ega bo‘ladi.		Kurs natijalariga ko‘ra

Turizm sohasida mutaxassislarni qayta tayyorlash va malakasini oshirish tartibi to‘g‘risidagi nizomga
2-ILOVA

Turizm sohasida mutaxassislarni qayta tayyorlash va malakasini oshirish tartibi to‘g‘risidagi nizomga
3-ILOVA

Vazirlar Mahkamasining 2020-yil 10-iyuldagi 433-son qaroriga
11-ILOVA
Tadbirkorlik subyektlariga grantlar berish, kompensatsiya va moliyaviy yordam ko‘rsatish hamda O‘zbekiston Respublikasi Turizmni rivojlantirish davlat qo‘mitasining hamkorlari — nodavlat notijorat tashkilotlarini institutsional qo‘llab-quvvatlash to‘g‘risida
NIZOM
1-bob. Umumiy qoidalar
1. Ushbu Nizom O‘zbekiston Respublikasi Turizmni rivojlantirish davlat qo‘mitasi (keyingi o‘rinlarda — Qo‘mita) huzuridagi budjetdan tashqari Turizm sohasini qo‘llab-quvvatlash jamg‘armasi mablag‘lari hisobidan O‘zbekistonning tarixiy va afsonaviy shaxslari to‘g‘risidagi to‘liq metrajli badiiy, qisqa metrajli badiiy, xronikal hujjatli filmlarni suratga olish uchun grantlar ajratish, tadbirkorlik subyektlarining respublika hududlarida “karaoke” zallari va turistik ko‘ngilochar muassasalarni tashkil etish xarajatlarini qoplash, shuningdek, faoliyati turizm sohasi bilan bog‘liq bo‘lgan jamoat tashkilotlarini institutsional qo‘llab-quvvatlash tartibini belgilaydi.
2. Ushbu Nizomda quyidagi tushunchalar qo‘llaniladi:
grant — Qo‘mita huzuridagi budjetdan tashqari Turizm sohasini qo‘llab-quvvatlash jamg‘armasi mablag‘lari (keyingi o‘rinlarda — Jamg‘arma) hisobidan O‘zbekistonning tarixiy va afsonaviy shaxslari to‘g‘risidagi to‘liq va qisqa metrajli badiiy, xronikal hujjatli filmlarni suratga olish uchun tadbirkorlik subyektlari va jamoat tashkilotlariga beriladigan pul mablag‘lari;