1-sentabr — mustaqillik kuni kirish 1-dars

24-dars 
24.1-topshiriq. 
Matnni ifodali o‘qing. 
TALAB VODIYSI 
(davomi) 
Har nekim g`ayri talabdur tashlamoq,
O`zni maqsad manzilig`a boshlamoq. 
 
Qolmasa olam mato’idin jihot, 
O`zga nav’ o`lg`ay sanga ul dam sifot. 
Ganjdin yetkay asar vayroninga, 
Zoti nuridin yorug`lug` joninga. 
Ul yorug`lug` shavq o`tin tez aylagay, 
Kim talab raxshin sabukxez aylagay. 

---

Joning`a yetkay talabning rohati, 
Qolmagay ranj-u taabning shiddati. 
Durg`a topqon soyi ko`nglung xosliq, 
Bo`lg`oy osonroq sanga g`avvosliq. 
 (Alisher Navoiy, “Lison ut-tayr”) 
 
24.2-topshiriq. 
Quyidagi izohlardan ajratilgan so‘zlarning ma’nosini 
aniqlab, lug‘at daftaringizga ko‘chiring va yodlang: 1) suv tagida harakat qilish, 
suzish; 2) sayin, sari; 3) mashaqqat, mushkullik; 4) zavqli harakat; 5) ot, ulov; 6) 
davlat, boylik; 7) yengil, chaqqon. 
 
24.1-mashq. 
Har bir band mazmunini avval she’riy ifodali o‘qib, keyin nasriy 
bayon qilishga tayyorlaning.  
 
24.2-mashq. 
Matnni she’riy va nasriy ko‘rinishda navbatma-navbat o‘qing. 
 
Uyga vazifa 
24.3-mashq.
Matnni she’riy va nasriy shaklda yod oling hamda “Eng yaxshi 
nasriy matn” bahsiga tayyorlaning. 
 
25-dars 
“ENG CHIROYLI VA TA’SIRCHAN NUTQ” TANLOVI
(og‘zaki nutq bo‘yicha nazorat ishi)
 
25.1-topshiriq. 
Mavzulardan birini og‘zaki nutq tanlovi uchun tanlang: 
1) “Izzat qilsang, hurmat ko`rasan”; 
2) “Mehr – gul, qahr – tikan”; 
3) “Mehr xazinasi – til”; 
4) “Meniki-seniki” – ko`ngil torligi”; 
5) “Ustoz mehri – ota mehri”.