hech ham tishim o‘tmadi. Ikki-uch kun tongdan xuftongacha kutubxonada o‘tirar
va ko‘p martalab shu sahifani qayta o‘qir edim. Baribir, bo‘lmadi. Bir kuni
kutubxonachining ko‘zini shamg‘alat qilib kitobning shu varag‘ini yirtib oldim va
qo‘ynimga tiqdim... Bu keyinchalik mutlaqo yodimdan chiqib ketgan edi.
... Shundan so‘ng ota gunohiga iqror bo‘lib, tavba-tazarru qildi. Yaratganning
jazosiga rozi bo‘ldi. Yirtilgan sahifa sharhiga bag‘ishlab esa ulkan kitob yozdi. Unga
“Bir sahifa sharhi” deb nom qo‘ydi va kutubxonaga topshirdi.
Umrining oxirigacha bor davlatini sarflab, kutubxona homiyligini zimmasiga
oldi
.
(“Sharq hikoyat va rivoyatlari”)
28.2-topshiriq.
Matnda ajratilgan gaplardan nechta voqea yoki hodisa
anglashilayotganini aniqlang.
28.3-topshiriq.
Har bir voqea yoki hodisa anglatgan qismiga asoslanib,
gaplarning har birini ikki gapga aylantiring.
28.1-mashq.
Quyidagi gap juftliklarini bitta gap holiga keltiring, bunda teng
va ergashtiruvchi bog‘lovchilardan foydalaning.
1.Unutilish bilan nodir asarlar o‘lmaydi. Yozuvchining yolg‘oni va
laganbardorligi tuturuqsiz kitobning umrini uzaytira olmaydi. (Onore de Balzak)
2.Kitob o‘z yaralishida hech qachon san’at asari bo‘lmaydi: u san’at asariga
aylanadi. (Gonkur) 3.Javob − oltin, savol – kumush. (Maqol) 4.Ko`p bilgan oz
so`zlar, Oz bo`lsa ham, soz so`zlar. (Maqol)
28.2-mashq.
Qo`shma gap qismlarini alohida sodda gaplarga aylantiring va
hosil bo‘lgan farqlarini izohlang.
1.Mutolaa Don Kixotni ritsar qildi, mutolaa qilgani uchun esa uni jinniga
chiqarishdi. (Bernard Shou) 2.Hech kimga kitoblaringizni bermang, chunki ularni
qaytib ko‘rmaysiz. Mening kutubxonamda faqat birovlardan o‘qib turishga olgan
kitoblarim qoldi xolos. (Anatol Frans) 3. Yaqin ko`rib bilinar, uzoq – o`qib. (Maqol)
4. Uchishga qanot kerak, O`qishga – toqat. (Maqol)
Do'stlaringiz bilan baham: |
