1. Tema. Salistiriw pedagogikasi pa`ninin` predmeti, maqseti ham waziypalari reje

Sotsiologik metodlar izertlewdin` basqa metodlari menen baylanisli menen baylanisli. Ol xaliq bilimlendiriw sistemalarinin` sotsial xarakterin bahalaydi, ta`lim-ta`rbiya maqsetleri ha`m waziypalarin, mazmun ha`m metodlarin ja`miyettin` sinfiy strukturasi ta`repinen analiz qiliw, mekteptin` ekonomikaliq ha`m siyasiy talaplarinin` sa`ykesligin bahalaw ha`m t.b. na`zerde tutadi.
Analitik metodlarg`a analiz, sintez, uliwmalastiriw, induktsiya, deduktsiya siyaqli logikaliq metodlar kiredi. Salistirmali pedagogikada analiz, sintez, uliwmalastiriw siyaqli logikaliq protsessler ko`birek a`hmiyetke iye. Barliq pedagogikaliq ha`diyselerdi izertlewde tariyxiy, xarakterlew, statistik ha`m sotsiologik metodlar ja`rdeminde ha`m olar tiykarinda analiz ha`m sintezdiq qollaniliwi uliwma baha beriw ha`m salistirmali analiz ushin za`ru`r bolg`an uliwmaliqlar shig`ariwg`a sharayat jaratadi. Atap aytqanda, rawajlaniw da`rejesi shama menen bir tur bolg`an ma`mleketler gruppasindag`i xaliq bilimlendiriw sistemasinin` tiykarg`i belgilerin siyasiy ha`m sotsial-siyasiy ba`sekelesiw, pedagogikaliq teoriyalarg`a sotsial-siyasiy xarakteristika beriw ha`m olardin` ta`lim-ta`rbiya sistemasina ta`sirin bahalaw, xaliq bilimlendiriw sistemasi du`zilisine negiz bolatug`in tiykarg`i printsiplerdi belgilew; ta`limnin` mazmunin ha`m onin` pa`n-texnik rawajlaniwinin` ha`zirgi zaman da`rejesi tialaplarina sa`ykes keliwin uliwma bahalaw, ta`lim-ta`rbiyanin` sotsial-siyasiy ta`repten qalay qaratilg`anlig`i ha`m ma`mleket siyasatin analiz qiliw; ma`mleketler gruppasinda bilimlendiriw rawajlaniwinin` tiykarg`i tendentsiyalarin aniqlaw ha`m t.b.
Salistirilip atirg`an mag`liwmatlardi salistiriw; tu`rli sotsial quramg`a iye bolg`an ma`mleketlerdegi pedagogikaliq ha`diyselerdi qarama-qarsi qoyiw ha`m salistirmali metod ja`rdemigje xaliq bilimlendiriw sistemasinin` sotsial-ekonomikaliq du`zim belgilegen quram printsiplerin ayriqsha ma`mleketler ha`m ma`mleketler gruppasinda bilimlendiriw rawajlaniwinin` uliwma qag`iydalari, tendentsiyalari ha`m milliy belgileri aniqlanadi.
Mektep ha`m bilimlendiriwdin` awhali haqqindag`i mug`dar ha`m sapa mag`liwmatlarin salistiriw ushin uliwma su`wret (znamenatel`) – salistiriw ko`rsetkishleri boliwi kerek. Salistiriwda to`mendegiler esapqa alinadi: sotsial-ekonomikaliq du`zim, ta`lim-ta`rbiya tarawandag`i tariyxiy u`rp-a`detler, ma`mleket pa`n-texnika ha`m ma`deniyatinin` rawajlaniw da`rejesi, pedagogikaliq teoriyalar ha`m olardin` ta`lim-ta`rbiya praktikasinda sa`wleleniwi. Salistiriw metodi ko`binese pedagogikada ken` qollanilatug`in eksperiment ornindi paydalaniladi.
Izertlew metodlari analiz qilip atirg`an materialdin` waziypasi ha`m mazmunina baylanisli bolip, birgelikte qollaniliwi mu`mkin ha`m sha`rt. Pedagogikaliq ha`diyseler, ma`seleler, metiod ha`m ko`rsetkishler klassifikatsiyasi bolsa sha`rtli, ele jeterli da`rejede emes ha`m tag`ida islep shig`iwdi talap etedi.